Luka 23:51 - Iaai Bible 1901 (New Caledonia)

⁵¹ (kʼ ame ca munyi ogâ anyidra si ûhnenamö me hnödra hna ânyâ), a at Arimathia, taun anyin at Juda, ke e at ame halubahingen dokhu dokhon Khong:

Luka 23:51 ပူးပေါင်းရင်းမြစ်များ

Genese 49:18

Iehova lö, oge hia but halubahingen ânyâm ûhomeli.

Esodo 23:2

U ca he ka hnu hoton tavat ae se he ka ânyâ monu; ke u ca he ka fuc hnyi ivinö he ka tha hien me tavat ae se hia adre me ohnathoâ thoi;

Ta je Vejec 1:10

Nokuk lö, a ne cubic u tavat ae kong, Ca hmehmela bi.

Isaia 8:12

Ca he öbun ka hnyi ha, ka habe, Ame sihnân, hnyi ta je ûnyi hia thithö ame he tavat ang, ka ha hnyin ka habe, Ame sihnân; ke haba khaca, ca ot bi helâ me iotidra, ke ca öbubuny bi.

Mataio 27:57

Ke haba hnyi sahac ame o but ke at ae tren omjeû ûheny Arimathea, Josefa ien, wale ke atö Iesu minya:

Mareko 15:43

me ame he but Josefa at Arimathea, a at ûhnenamö adre ogânâ, at ame halubahingen dokhu dokhon Khong; me e ame hwege me didro kö Pilato, me sumâtâ unyi Iesu.

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Luka 2:38

Ke e ame o thö hnyi awa eling, ame hnyi ole ka Khong, me e ame hâiâ e kodra hia hnyat adre me halubahingen hwaban möt hnyi Jerusalema.

Luka 23:42

Me e ame ha kö Iesu, ka habe, Ö u na ûnykûmi nya, u ka o hnyi dokhom dokhu.

Luka 23:52

haba at eling ame he kö Pilato me sumâtâ unyi Iesu.

I. Samuela 1:1

E HU ke at ûheny Ramathaima-sofima unyi hnyi hnyei ae hut hnyi Eferaima, Elekana ien, nöku Jerohama, nöku Elihu, nöku Tohu, nöku Zuf a at Eferaima: