Luka 23:5 - Iaai Bible 1901 (New Caledonia)

⁵ Ke adre me ha hwegiâ, ka habe, E ame obwebwelâ tavat, kʼ ame ûne hnyi Juda hia thithö hwân hnyi Galilaia ke ne o but ka hnyi dok ang.

Luka 23:5 ပူးပေါင်းရင်းမြစ်များ

Salamo 22:16

Anyin a hia but igigili nya hnen ta je kuli; A hia but theling nya hnen je deo at ae kong: Me dâ li hnyamok me li hnyeûcak.

Salamo 57:4

E ʼû hanuk hnyi wanben ta je liona; Oge me mokut unyin tavat adre me hiâ, Wale lakon tavat a je ö me fana ta je nyudra. Ke haba bohmödra me hele vat ae so hwan.

Salamo 69:4

Ödra se hia but hon leûnen bok tavat adre me hmiödra inya ke ba can: E hwege tavat adre me behlingö nya, wale je iwahnaihmiony mönya ge can ae ca hnathu: Waleling mʼ oge me ham hmetu ûnyi oge me ca hûgûnâ.

Mataio 11:1

KE a um dö Iesu hûna ka laten a twelv, e ame he ûheny e he ka ûne me khetâ hnyi anyidra je taun.

Mataio 2:1

A DRE me hnöku Iesu hnyi Betheleema hnyi hnyei Juda hnyi ta je bong bongu Heroda a than, ke wâ bi, ame o but ta je magoi hnyi Jerusalema ûhedrin jimeyö,

Mataio 27:24

Ke a wâ but Pilato a e ame ca he ka ton, kʼ ame kû bi thö imonumonuny, me e ame hom utköiö, me hinyem hnyi hnyimakan tavat, me ha, ka habe, Iny alai ge dren at ang ae wisa: hamöbun biju.

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mareko 1:14

Ke hwaban hna cö Ioane, Iesu ame o hnyi Galelaia, ame khetâ ûthumetu ae so anyin Khong, ka habe,

Luka 11:53

E ame didrut ûheny e, ke haba tavat sihnalimen ke ta je Faresaio adre me hwân he ka ûjengö e, me hnö hmönyinâ e ge ta je ûnyi ae se hia;

Luka 23:23

Ke adre me tha ha hwegiâ ge ifucidra ae gan hmâ, adre me sumâtâ me me he ka osatauroâ e. Me ame ton dut ifucidra ae gan.

Luka 23:6

Ke a löng ut Pilato, me e ame hnei, ka habe, Hawa, at Galilaia at ang?

Ioane 1:43

Nyi e ame behe Galilaia ai, ke e ame ö Filipo: ke haingö Iesu kâu, ka habe, He hotuk.

Ioane 19:15

Me adre me ha hwegiâ, ka habe, Hom dö, hom dö, osatauroâ thö. Haingö Pilato kodra, ka habe, Hawa, oge ma he ka osatauroâ Tuhöbun? Me ame thu je taben tavat bihut, ka habe, E ba minya ju ke tuhöhmun ke hake Kaisara thibi.

Ioane 2:11

Wale ûöman a ânyâ Iesu a bân hnyi Kana hnyi Galilaia, me omanenâ anyin hmanenang; haba laten ödrin e labageju kâu.

Ioane 7:41

Haingen keihen, ka habe, Walang Keriso. Ke haingen keihen, ka habe, Hawa, ame o Keriso ûheny Galilaia?

Ioane 7:52

Me adre me thu me ha kâu, ka habe, Ûhem minya Galilaia? Elâm dö me wâ, anyin ae ba ke perofeta ame o ûheny Galilaia.

Ta je huliwa 10:37

me manen hofuc e köbun, waleji adre me haimemenâ hnyi Juda hia hwân hnyi Galilaia, hwaban bapataiso ame khetâ ga Ioane;

Ta je huliwa 23:10

Ke ame kû ivinö ae gan hmâ, me ame ot taben ae nua, wâ adre nye he ka ve kiö Paulo but, me e ame kunâ je soja he ka hûgûnâ but e gadra, me hom e ka hnyi hnabâ.

Ta je huliwa 5:33

Adre hia but long e, me adre me hmönyidra gan hmâ, me behlingʼ ödrin.

Ta je huliwa 7:54

Adre me long ta je hofuc e, me ame hmönyidra gan hmâ, me adre me hoc nyu kâu.

Ta je huliwa 7:57

Me adre me fuc hwege goranyai, me hlöng je hnyikönyödra, me tha utut kâu;