Luka 23:34 - Iaai Bible 1901 (New Caledonia)

³⁴ Haba Iesu ame ha, ka habe, Cica lö, hnʼ ödra but; anyin ae ca khanʼ ödra hnödra hna mâdrâ. Ke adre me khenâ anyin je ûkhaû me ugleköbâ.

Luka 23:34 ပူးပေါင်းရင်းမြစ်များ

Genese 50:17

Öbun e he ka ha helang kö Josefa, ka habe, Oge me sumatö u he ka hna degecâ hulö anyin je liamekeiny möu me hwakecidrin ae kong, anyin a ödrin e ânyâ kong köu: ke walang ang, ö u hna degecâ hulö anyin lathnyabainy Khongon kâmâm. Ke Josefa ame tenge hnyi ûen ödrin e fuc kâu.

Salamo 22:18

Adre me khenâ anyik je ûkhaû unyi drin bi, Me ugleköbâ anyik ûkot.

Isaia 53:12

Anyin a wale, oge me he ka khene jekhon me tavat ae beönua, ke e ame he ka tha khenâ je hna söh me tavat ae hwege: anyin a e ame hingâlâ anyin möt ka mok, ke adre me tha lelö e me tavat hanyâûâ: ke so bi e ame vadren hulo anyin tavat ae se hia, kʼ ame khöûâ tavat hanyâûâ.

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 11:26

eke, Cica lö, anyin ae ûcû e hnyi hnyimâkâm.

Mataio 5:44

ke oge me ha bi nya köbun, ka habe, Betenge ju ge je iwahnaihmiony möbun, ke hic ju hobi kâu tavat adre me oveci öbun;

Mareko 15:24

Ke adre me osatauroâ e me khenâ anyin je ûkhaû, adre me ugleköbâ, ame ne he ka anyi ia eâu.

Luka 22:42

ame ha, ka habe, Cica lö, a ne wem he ka hom but utköiö eang gak; ke so bi, ca he ka ânyâ wek, ke so bi wem.

Ioane 17:9

Inya oge me hic hobi ködrin: oge ca hic hobi kâu hmeledrany, ke hobi ködrin bi u je ham könya; anyin a ânyâm ödrin:

Ioane 19:11

Iesu ame thu kâu, ka habe, Adre ne ca ham köu ûnyi ethö me ba ânyâm musi huk: waleling me me gan hulö anyin at a ham nya köu.

Ta je huliwa 16:28

Ke haba Paulo ame ha hwegiâ, ka habe, Ca mē okongu u bi, anyin a ohmun bia ang.

Ta je huliwa 3:17

Hnyat me lakeiny lö, e khanö nya a öbun e ânyâ e ke ca khanʼ öbun bongon, helâe minya anyibun je taben.

Ta je huliwa 7:60

Ke e ame cibouca, me fuc hwege goranyai, ka habe, Than lö, ca bi hwaban kodra monu eang. Ke a hia but ha e, e ame mokut ut.

Roma 12:14

Hahnahici ödra ju waleji adre me oveci öbun; hahnahicâ, ke ca hangâ bi.

I. Korinito 2:8

wale ae ca khana hnen je than eang hmelen: anyin a ne khanʼ ödra, me adre me ne ca he ka osatauroâ Thaniny hmeledrany:

I. Korinito 4:12

ke ohmun e labö huliwa, me ânyâ huliwa ge je hing hnyamöhmun: adre me û ohmun, ke ohmun e hahnahicâ; adre me sedʼ ohmun, ke ohmun e hokhnyok;

I. Timoteo 1:13

ke haba bi ehac, me, iny at bi gan, me ûöveci, me at ame okongoâ: ke e ame betenge gak, anyin a oge me ânyâ hnyi ca khanö nya, me hnyi hnok hna ca labageju;

I. Peteru 3:9

ca bi hwaban monu ge monu, me ûjao ge ûjao; ke so bi hahnahicâ; anyin adre hawʼ öbun kâe, mʼ öbun e he ka hnahic.