Luka 23:31 - Iaai Bible 1901 (New Caledonia)

³¹ Anyin adre ne ânyâ ta je ûnyi ang hnyi ûö ae hât, ieû adre me he ka ânyâ hnyi ûö ae meleca?

Luka 23:31 ပူးပေါင်းရင်းမြစ်များ

Ta je Vejec 11:31

Wâ bi adre me he ka bi hwaban eang hmeledrany ka at ae wisa: Ke hawa bi ge at ae monu me at ae kong!

Jeremia 25:29

Anyin a wâ bi, inya oge me hwân he ka oaatâ ûnyi ae kong ka taun wale adre wenyö kâu iök, ke hawa, adre me ca he minya ka bi hwaban köbun? Öbun e ca he ka he baû: anyin oge me he ka hawâ hele vat hobi kâu tavat hia thithö adre me laba eang hmeledrany, haingö Iehova tuhan sabaoth.

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Mataio 3:12

e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Luka 23:30

Me adre me he ka hwân he ka ha ka je bucen, ka habe, Kolu takû öhmun ju; me ka ta je hut, Tubi öhmun ju.

Luka 23:32

Ke e hu minya eling ke li at ae kong adre me tha lelö me he ka hlingâ.

Ioane 15:6

A ne ca laba ke at eû hnyi hnyik, adre me he ka degec ut helâ me vheiny, me ame he ka meleca thö; ke adre me ûkhacaköuâ thö, me khûâ ka hnyi meic, me adre me thong degecâ but.

Heberu 6:8

ke ame ne okûâ ûö ae ûdedö, me watetaföcö, me adre me degec; ke hakekeny jut ka hnyi hnaûhango; ke haba hnyi obiny, adre me he ka thong degecâ e.

Juda 1:12

Haba ödra ta je okongon hnyi anyibun bijeûiny ibetengiö, ödra ka tha hnyi bijeû mʼ öbun, ödra tavat tuö mamoe adre ha ödra bi, me ca ot; ödra je ûlâ ae ba köien, ame oû ang dö; ödra je ûö ae ba wan hnyi ûen he ka wa, a olo mok, adre oc dö me iwân;