Luka 23:22 - Iaai Bible 1901 (New Caledonia)

²² Me e ame okun ha kodra, ka habe, Anyin a ieû monu e ame ânyâ? e ba can oge me wâ gan, me me he ka mok: anyin a wale oge me he ka osoâ e me hna but.

Luka 23:22 ပူးပေါင်းရင်းမြစ်များ

Luka 23:14

me ha ködrin, ka habe, Öbun e hom könya at ang helâke ame omonoâ tavat: ke wâ bi, oge hia but hnö wia e hnyi hnyimaköbun, me ba monu oge me wâ ge at ang hnyi ta je ûnyi öbun e bi fuco gan,

Luka 23:16

Anyin a wale, oge me he ka osoâ e, me thang ut.

Luka 23:20

Ke haba Pilato ame fuc hmetu ködra, anyin ae beweny he ka hnö Iesu but;

Luka 23:21

ke adre me fuc hwege, ka habe, Osatauroâ thö, osatauroâ thö e.

Luka 23:23

Ke adre me tha ha hwegiâ ge ifucidra ae gan hmâ, adre me sumâtâ me me he ka osatauroâ e. Me ame ton dut ifucidra ae gan.

Luka 23:4

Haba Pilato ame ha ka taben tavat bihut me tavat ae se, ka habe, E ba monu anyin at ang oge me wâ.

I. Peteru 1:19

ke so bi ûnyi ge dren Keriso ae gan hwaban, helâ me nokon mamoe ae ba hnyikongon me ba monuiny:

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;