Luka 22:63 - Iaai Bible 1901 (New Caledonia)

⁶³ Haba tavat adre kât e, adre me hlumä e, me osoâ.

Luka 22:63 ပူးပေါင်းရင်းမြစ်များ

Salamo 22:13

Adre me memang könya, Helâ me liona ame beoloû usukia kʼ ame kuku.

Salamo 35:25

Ca hnʼ ödra bi he ka ha eû hnyi je hnyekudra, ka habe, Awe, a so but: Ca hnʼ ödra he ka ha, ka habe, Ötin e hia but utâ e.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 52:14

Ödra se hia adre me uthmâhmâ gam, (adre okongoâ gan hmâ hnyimakan hon hnyimakan tavat hia, ke unyin, hon unyin tavat,)

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Mika 5:1

HLUINY je deo vat lö, u me he walang ang ka ûkhacaköu me me je deo vat: e ame igigili öta hnen vat: kʼ adre me he ka kot wahicen at owisa hnyi Isaraela ge uci.

Luka 22:62

Me e ame didrut me tenge hlöuhlöu.

Ioane 18:19

Haba taben tavat bihut ame hnei Iesu ge laten, me hnen minya hna ûne.

Ioane 18:22

Ke a hia but ha e, me ame khaû e hnen ke at tue, at ame tot hakekenyâ, haingen, ka habe, U me thu helâe kâ taben tavat bihut?

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

I. Peteru 2:23

waleji adre oû, ke ame ca hnyi fuc bi; kʼ adre ovecâ, ke e ame ca ha ooti ödra hmetu; ke e ame ka hna e bi ka at owisa hnathoâ: