Luka 22:17 - Iaai Bible 1901 (New Caledonia)

¹⁷ Ke e ame kap utkaia, kʼ ame oleâ, ke haingen, ka habe, Hom dö ang me ve khenâ thö unyibun:

Luka 22:17 ပူးပေါင်းရင်းမြစ်များ

Salamo 116:13

Oge me he ka hom utkaia anyin ûhömeli,

Salamo 23:5

U je penapena laulau hobi könya hnyi hnyimakan je iwahnaihmiony mönya: U je hia but hû bok ge wakaco; ame babihingölö thö anyik kaia.

Jeremia 16:7

ke ame ca he tavat ka tha subö areto hnyi tenge gadra wale hnân otubweli ödra ge je komok; kʼ ame ca he tavat ka ham kodra kaia ka habelidra hnân otubwelâ ge kamödra me hinyödra a mokcu.

Mataio 14:19

Ke ame hûna ka tavat ae se hia he ka laba hnyi hna önying; ke e ame hom je areto a thabûng ke li wâ, kʼ ame bwele hnyi drany ai me oleâ, me thuthu, me ham je areto ka laten, ke laten ka tavat ae se hia.

Mataio 15:36

ke e ame hom je areto a seven me je ong wâ, me e ame oleâ me thuthu, me ham ka laten, ke laten ka tavat ae se hia.

Mataio 26:26

Ke ödrin e tiga han, me Iesu ame hom areto, me oleâ, me thuthu; ke e ame ham ka laten me ha ködrin, ka habe, Hom dö, an ju; walang unyik.

Mareko 14:22

Ke ödrin e tiga han, ke e ame hom areto, me oleâ, me thuthu me ham ködrin, me ha, ka habe, Hom dʼ öbun: walang unyik.

Luka 22:19

Ke e ame hom areto, kʼ ame oleâ, me thuthu, me ham ködrin, haingen, ka habe, Walang unyik adre me ham hobi köbun: ânyâ thö ang hnân ûnykûme könya.

Luka 9:16

Ke e ame hom je areto a thabûng me li wâ, me bwela hnyi dranyai, me oleâ, me thuthu, me ham ka laten he ka ip hnyi hnyimakan tavat.

Roma 14:6

Haba at ame oûnyihnathoâ bong, e ame oûnyihnathoâ e ka Than: haba at ame han, ame han bi ka Than, anyin a e ame ole ka Khong; ke haba at ame ca han, e ame ca han ka Than, me oleâ ka Khong.

I. Korinito 10:16

Haba utköiöiny ole otin e oleâ, hawa ca e bi hnyi hnötin hna tha hu hnyi dren Keriso? Haba areto otin e susubâ, hawa, ca e bi ate me tha hu hnyi unyin Keriso?

I. Korinito 11:23

Anyin oge me hna köbun waleji hnok hna kap ûnyi ge Than, waleji hnen Than Iesu hna hom areto hnyi lit adre alecuâ e hnyin;

Deuteronomi 8:10

Ke u me he ka han sekon, me u me he ka hasoi Iehova Khongom ge hnyei ae so e ame ham köu.

I. Samuela 9:13

öbu ka o hnyi taun öbu me he ka wâ, ke tiga ca ölö bi ka hnyi dok ae görany ka han: anyin ame ca he tavat ka ban, kʼ ame tiga ca o, anyin a hamen he ka hmö hut; hwaban e, ame hnyi han tavat adre hawâ. Ke olo thʼ öbu walang ang; anyin öbu me he ka wâ hnyi ûen ang.