Luka 21:36 - Iaai Bible 1901 (New Caledonia)

³⁶ Ke hmâkâ ju öbun hnyi je ûen bia, me labö hic, me me khanʼ Öbun he ka kec ge ta je ûnyi hia eang ame he ka o, me he ka ûtitilen hnyi hnyimakan Nokon at.

Luka 21:36 ပူးပေါင်းရင်းမြစ်များ

Jobu 27:10

Hawa, e ame he ka senyin ka Ataekhanahia, Me hongot ka Khong hnyi je ûen hia?

Salamo 1:5

Anyin a wale ame ca he bi tavat ae monu ka tot hnyi ûhnei, Ke tavat adre me ânyâ hulo bi, ka tot hnyi ûkhacaköu anyin tavat ae wisa.

Jeremia 35:19

anyin a wale, walang hna ha hnö Iehova tuhan sabaoth, Khongu Isaraela, ka habe, Ame ca he ka ba mâtrâni Jonadaba, nöku Rekaba, he ka tot hnyi hnyimakök nyiele balua.

Malaki 3:2

Ke ie at ame he ka hokhnyokâ bonginy o a e? ke ie at ame he ka tot, e ka manen dut? anyin a e ûcû me meic hlogon at ame leû fao, me helâ me sop anyin at ame hnû khaû:

Mataio 24:42

Anyin a wale, hmâkâ thö: anyin ae ca khanʼ öbun ûen ame he ka o hnyin Tuhö-bun.

Mataio 24:43

Ke wâhmakhmeto ju öbun ûnyi ang, a ga ne wâ at ae tren uma hna hmak hnyi lit ame he ka o hnyin at ae venöu, me ame ne hia but hmâkâ, me ca hna bi kodra he ka kia umen uma.

Mataio 24:44

Anyin a wale laba penapena thʼ öbun: anyin a hnyi ûen öbun e ca ûnykûme bi ame he ka o but Nokon at.

Mataio 25:13

Anyin a wale, hmâkâ ju öbun, anyin ae ca khanʼ öbun bong me awa ame he ka o but hnyin Nokon at.

Mataio 26:41

Hmâkâ ju me hic, mʼ öbun e ca didro ka hnyi ûcûbic: anyin ame weny hnyok, ke sēnyin bi unyin.

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mareko 13:33

Wâ eâu öbun, hmâkâ thö me hic: anyin ae ca khanʼ öbun ûen.

Mareko 13:37

Ke haba hnok hna ha köbun, inya oge me ha minya ka tavat hia, ka habe, Hmâkâ thö.

Luka 1:19

Haba angela ame thu kâu, ka habe, Inya ang Gaberiela at ame tot hnyi hnyimakan Khong; a khunö nya he ka ha köu, me omanenâ köu ûthumetu eang ae so.

Luka 18:1

E AME ha ûhöûcû ködrin, me me he tavat ka labö hic bala, ke adre me ca he ka sënyin;

Luka 20:35

ke haba tavat a ödra ûcû he ka he ka hnyi möt eling, ke he ka möt hmetu ûhedra hnyi hna mok, me adre me ca he bi ka faipoipo me ûham ta momo:

Luka 21:35

anyin ame he ka o helâe ka tavat hia adre me labâ hmeledrany.

Ta je huliwa 10:2

e at fâfâ hnyekon, kʼ ame outen Khong tha e me anyin lap hia, me ham ta je betenge ae se ka tavat, me hic bala ka Khong.

I. Korinito 16:13

Hmâkâ thʼ öbun, tethmâ ju hnyi labageju, hnyok baga thö, hwege thö.

II. Korinito 4:14

ke e khanʼ öhmun a haba at ame omelö hmetu Than Iesu, ame he kʼ omeli öhmun hmetu minya me Iesu, me tha omanenʼ öhmun mʼ öbun.

Kolose 4:2

E so öbun e hic ûjöng, me hmâkâ e, me ole;

I. Thesalonika 5:17

hic dö me ca menâ bi;

II. Timoteo 4:5

Ke u me he ka hnyokâ wisa hnyi ta je ûnyi hia, hokhnyok ju hnyi ta je vec, ânyâ thö hanymen at ame huliwan ûthumetu ae so, obekhötâ hanymâm hia thithö.

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

I. Peteru 5:8

Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny:

I. Ioane 2:28

Ke walang ang je wanakat lö, laba ju eû hnyi hnyin; me me hu gata hnyok ae hwege, e ka manen dut, mʼ ate me ca he ka hmehma hnyi hnyimakan e ka o but.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,

Hna Omanenâ 11:4

Walang li elaio, me li taben lamepa ame tot hnyi hnyimakan Khongon hmeledrany.

Hna Omanenâ 6:17

anyin a o but bongudra bong ae gan hmâ hmonyin hnyin; ke ie at ae khana he ka tot.

Hna Omanenâ 7:9

Hwaban ta je ûnyi e inya oge me wâ, ke wâ bi, tavat ae se hia hmonyin, wale ae ca khana ke at he ka aû, a ödra ûnyi hnyi ta je hnyei hia, me ta je tribu, me tavat, me je hwen hnyei, adre me tot hnyi hnyimakan theron, ke hnyimakan Arenio, kʼ adre khavâ je ûkhaû ae hau, ke e hnyi je hnyamödra je lan pama;

Hna Omanenâ 8:2

Ke oge me wâ je angela a seven waleji ödrin e tot hnyi hnyimakan Khong; ke adre me ham ködrin ta je trutru a seven.