Luka 21:34 - Iaai Bible 1901 (New Caledonia)

³⁴ O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe:

Luka 21:34 ပူးပေါင်းရင်းမြစ်များ

Genese 19:32

ötü ma he ka habeli cica ge waina, me ötu me he ka tha mokut më, me me hu mâtrân ûnyi ga cica.

Genese 19:35

Ke ödru me habelen kamödru ge waina hnyi lit minya eling: me wakeiat ame todrö me tha mokut më; ke e ca khana ûen e ame mokut me tot hmetu.

Genese 27:14

Ke e ame he but ka hom, me hom ka hinyen: ke hinyen ame ânyâ utiö ao bo so, helâ me weny kamen.

Salamo 35:8

E so ame ie utut kâu hnaûhango; Ke so e he ka hnok hnen hnewe e ame ikhâlâ: E so e ame ta ka hnyi hnaûhangö eling.

Ta je Vejec 21:4

Haba begörany ke hnyok bi gan, Wale lamepa anyin tavat ae monu, me hwakecin ling ae kong.

Ta je Vejec 23:20

Ca tha e me tavat adre me hwen hmiâ waina: Me tavat utâ uthmeno:

At Khet 9:12

Anyin a haba at, e ca khana bi ûen: helâ me ta je wâ adre me hnok hnyi ert, me ta je meno adre me hnok hnyi hnewe, ke ame hnok dö e ûcû mödra tavat hnyi ûen ae kong, e ka ie o ködra.

Isaia 28:7

Ke a hia but minya tavat ang he hwali ge waina, me he monu ge grâg; ame he hwali at bi hut me perofeta ge grâg, ame utʼ ödra ge waina, ke adre me he monu ge grâg; adre me haû hnyi hnödra hna wâ, me ta tot hnyi hna owisa.

Hosea 4:11

Haba ûnyi ame hûgûnâ hnyok, me wale bi ûnyi monu, ke waina, ke waina ae teb ûnyi.

Levitiko 10:9

U me ca he ka ic waina me grâg, a u me je lakom unyâm, öbun ka didro ka hnyi uma ûkhacaköu, wâ öbun nye mokcu: wale hnanyibu nyiele balua, hnyi anyibun ta je dö:

Mataio 13:22

Ke haba at adre tā hnyi wanben ta je ûö ae ûdedö, wale at ame long hofuc, ke ame kû takoû hofuc hnen je vheliny hmeledrany, me je iyawö ge omjeû, me e ame ca wa but.

Mareko 13:9

Ke wâ eâu öbun, anyin adre me he ka hnʼ öbun ka tavat ûhnei; ke adre me he ka osoi öbun hnyin ta je sunago; ke öbun e he ka todrö hnyi hnyimakan ta je gavena me than, can inya hnân ohnathoâ kodra.

Mareko 4:19

me ame didro ta je hna ûnykûme je ûnyi eang hmeledrany, ke iyawöiny omjeû, ke behnyekon ka ta je thatûnyi, me kû takoû but hofuc, me ame ca wa bi.

Luka 10:41

Ke haba Than ame thu kâu, ka habe, Maretha, Maretha lö, u me kong hnyekom me hmak ge ta je ûnyi ae se hia:

Luka 12:40

E so öbun e laba metâ minya: anyin ame he ka o but Nokon at, hnyi ke ûen öbun e ca ûnykûme bi.

Luka 17:3

Wâ eâu öbun: A ne monu but kem, nâ thö; ke a ne ietra but, hna degecâ anyin monu.

Luka 21:35

anyin ame he ka o helâe ka tavat hia adre me labâ hmeledrany.

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Luka 8:14

Haba keihen ame kölu hnyi wanben ta je ûö ae ûdedö, wale tavat adre me long, me he but, me ame kû takû ödra hnen ta je vhet, me omjeû, me ta je senyin ge möt ang, kʼ adre me ca wa wan ae metu.

I. Korinito 5:11

ke walang ang inya oge me sit köbun, ka habe, öbun e ca he ka tha he me at adre hâiâ, ka habe, liamakeiny, ke e at bi ûnyi monu bi, ame ne at behnyekon, ame ne at a hmi ka hnatheat, ame ne at ae hwege hnyimen, ame ne at ic monu, ame ne at hûgûnö omjeû; ke ca tha han me at a helâe.

I. Korinito 6:10

me tavat venöu, me tavat behnyekon, me tavat adre me ic monu, me tavat hwege hnyimen, me tavat hûgûnö omjeû, me adre me ca he bi ka hnyi hanen dokhu dokhon Khong.

Galatia 5:20

me hmi ka je hnatheat, me bi khong, me bi iwahnaihmiony, me iwatretra, me ihunyinköu, me wathethot, me imouköu, me khekhe lo, me vese,

Deuteronomi 29:19

ke e ka löng hofucin ûhangö eang, me e ame he ka hahnahicâ e bi hnyi hnyekon me ha, ka habe, Eja ke ne oge ne vheno weny hnyekuk, he ka bi hnen ûnyi ae kukuba ge ûnyi ae mada, me oge me he ka so but:

Filipi 4:6

Ca kong hnyekunâ ge ta je ûnyi; ke so bi hnyi ta je ûnyi hia thithö, omanenâ je webun ka Khong hnyi hic me sumat me ole.

Heberu 12:15

ke wâ wia ju, wâ e nye hu ke at ame ca o ka hnyi ibetengiö baû anyin Khong; wâ e nye kû thö iwân ae hiny he ka oveci Öbun, me ame he ka kong ut tavat ae se hia hnen e;

II. Peteru 3:10

Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

Hna Omanenâ 3:3

Anyin a wale ûnykûme ju hwakecin hnâm hna kap me löng; ke kât hmâ ju e me ietra. Ke u je ne ca hmâkâ, me oge me he ka o helâ me at venöu, kʼ ame ca he ka khanö u ûen oge me he ka o hnyin köu.

I. Samuela 25:36

Ke Abigaila ame o kö Nabala, ke wâ bi, e ame ânyâ bijeû hnyi umen uma, helâ me bijeû anyin than; ke Nabala ame senyin hnyi hnyekon, ke ti monu a ga ic: anyin a wale momo ame ca thumeto e ge ke ûnyi ame ne ûhnyûkong ame ne gan ke ne o but hnyi lany hnyomakatu.