Luka 21:33 - Iaai Bible 1901 (New Caledonia)

³³ Ame be ka hia drany me hmeledrany: ke ame ca he bi ka hia hok ta je hofuc.

Luka 21:33 ပူးပေါင်းရင်းမြစ်များ

Salamo 102:26

Ame he ka hia ta je ûnyi e, ke u tethmâ balua bi; Eke, ame he ta je ûnyi e hia ka amam helâ me ûkhaû; U me he ka wia e helâ me ûkhaû, mʼ adre me ke bongon bi:

Salamo 119:152

E khanö nya but adrem ûnyi hnyi hnâm ta je hna ohnathoâ, A u je hia but bi taben e ke ne o but nyiele balua.

Isaia 40:8

Hna önying ame meleca, ke vongon ame kolu: ke tethmâ bi nyiele balua hofuc hwan Khonguta.

Isaia 51:6

Bwele thö goranyai ka hnyi drany, ke wâ ju hmeledrany eû: anyin ame he ka didrut drany helâ me hai, kʼ ame he ka amam hmeledrany helâ me ûkhaû, kʼ ame he tavat adre me! labā e ka mok helâe: ke ame he ka e balua bi anyik ûhomeli, kʼ adre me ca he ka ohia hwakecik ae wisa.

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Mataio 5:18

Anyin ae hnathu inya oge me ha köbun, a gʼ ame ca he bi ka hia ke iota, ame ne ke ong ûnyi ae ûhnyûkong hmonyin ûnyi hnyi hnanyibu, ke ne o but ame he ka hia drany me hmeledrany, me me he ka hwâdâ ta je ûnyi hia thibut.

Mareko 13:31

Ame he bi ka hia drany me hmeledrany, kʼ ame ca he ka hia hok ta je hofuc.

Luka 16:17

E hâhâ he ka hia drany me hmeledrany, ke hmak he ka hia ke mataitusi ae ûhnyûkong hmonyin hnyi hnanyibu.

Luka 21:32

E hnathu inya oge me ha köbun, a gʼ ame ca he ka hia dö eang, ke ne o but ame hwâdâ ta je ûnyi hia.

I. Peteru 1:25

Ke haba hofuc hwan Than, me ame tethmâ nyiele balua. Ke wale hofucin ûthumetu ae so adre me khetâ köbun.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.