Luka 21:24 - Iaai Bible 1901 (New Caledonia)

²⁴ Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Luka 21:24 ပူးပေါင်းရင်းမြစ်များ

Genese 34:26

Ke ödru me hlingö Hamora me Sekema a nokon hnen homakan hele vat, me hum Dina ûnyi hnyi hnyin uma umo Sekema, me he but.

Esodo 17:13

Ke Josua ame kot at Amaleka me tavat unyidra ge hele vat.

Isaia 5:5

Ke oge me he ka omanenâ walang ang köbun ûnyi oge me he ka ânyâ hnyi ik hnyei vine: oge me he ka hom degecâ haginy, mʼ adre me he ka an dö e; oge me he ka hagutâ haginy, mʼ adre me he ka uto but e:

Isaia 63:18

E okhulit hna labā e hnen ânyâm tavat ae kap: haba je iwahnaihmiony möhmun, adre me hia but uto ânyâm dok ae kap.

Isaia 66:12

Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Daniela 12:7

Ke oge me long at ame khavâ lino, at ame laba hon köien wagawe, me ame ogöranyâ hnyamen a metân me hnyamen a meny ka hnyi drany, me khemanyin gan at ae möt nyiele balua a gʼ ame he ka hobi kâu ûen, me lo li ûen, me ûen me haf: ke e ka hia but oveseâ maniny hnyei ae kap, awe, ame he ka hwâdâ ta je ûnyi hia eling.

Daniela 8:13

Ke inya oge me löng ke at ae kap ame fuc; ke ame fuc minya ke at ae kap ka at eji a bân ka fuc, ka habe, Ke ne o but kehö hna omanenâ ge hudiny leû adre me hudo bala, ke hna hanyâûâ wale at ame öba wan, a gʼ adre hna dok ae kap me utbavat minya, mʼ adre me uto ju?

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Luka 21:25

Ke ame he ka hu ta je haten hnyi seûno me tehi me ta je okhû; ke hlöuhlöu hnyi hmeledrany minya, ke hlohlo hnyi ta je hnyei can imeainy köiö me ta je waköiöiny ame û:

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Heberu 11:34

me omoko maniny meic, me kec möt ûnyi hnyi hele vat, me hna ohwegi ödra a ödra sënyin, me hwege hnyi vat, me oveseâ je utbavat.

Hna Omanenâ 11:2

Ke haba hnyeule hoton uma kap, hnen ju, ca ke ka tuluto; anyin adre hia but ham e ka ta je hnyei: ke adre me he ka uto taun ae kap hnyi ta je tehi a fâte tu.