Luka 21:23 - Iaai Bible 1901 (New Caledonia)

²³ Ekölö ge tavat a ödra erkin, ke tavat ûasin hnyi bong e! anyin ame he ka o hlöuhlöu ae gan hnyi hnyei, me hmonyin ka tavat ang.

Luka 21:23 ပူးပေါင်းရင်းမြစ်များ

Je tenge anyi Jeremi 4:10

Haba je momo betenge adre me thân je hing lakudra ge je hnyamödra bi; Adre me ön ödra hnyi hna ohiainy hluiny ik hnyei.

Daniela 8:19

Ke haingen, ka habe, Wâ bi, oge me he ka thumetu u ge ûnyi ama he ka o hnyi ûen hmonyin hnyi obiny: anyin ame he ka hwâdâ hnyi ûen adre thu hnyi obiny.

Mataio 21:16

me ha kâu, ka habe, Hawa, u je long hnödrin hna ha? Haingö Iesu ame ha kodra, ka habe, Eke: öbun e ca munyi aû, ka habe, Ûnyi hnyi hnyimen ta je wanakat me ta je mendreng u je obekhötâ bi hna haisoâ.

Mataio 21:41

Haingödrin kâu, ka habe, E ame he ka ohia tavat eling ae kong, me hna hnyei vine ka keihen tavat belök, tavat adre me he ka ham wan kâu hnyi je ûen.

Mataio 21:44

Ke haba at ame he ka ta hon veto ang, me ame he ka thu amâmâ: ke e ka kölu ka hnyi hon at, me ame he ka thu omomono e.

Mataio 24:19

Ke ekölö ge tavat a ödra erkin, me tavat adre me ûasin hnyi je bong eling.

Mareko 13:17

Ekölö ge tavat a ödra erkin, me tavat adre me ûasin hnyi ûen eling!

Luka 19:27

Ke haba tavat eji je iwahnaihmiony mönya, waleji ae ca wedra oge me he ka musi ödra, hum ödra but jem he ka hlingʼ ödra hnyi hnyimakök.

Luka 19:43

Anyin ame he ka o köu je bong, kʼ ame he je iwahnaihmiony möu ka okhibi kânâ igigili u, me tot igigili u, me hling u,

Luka 23:29

Anyin a wâ bi ame he ka o but ang ta je bong adre me he ka ha hnyin, ka habe, Hnahic hnen toûnyi, me tangen hnöku ame ca hnokoâ, me li bai adre me ca ijem.

I. Korinito 7:26

Oge me ûnykûme a e so ka at he ka hnathu hnyi ûen ang a ûen vec.

I. Thesalonika 2:16

kʼ adre me thawʼ öhmun he ka fuc ka Aten ta je hnyei, wale me me ca he ka hu möt gadra; kʼ adre me obekhötâ bala anyidra hulo: ke ame o but kodra hmonyin he ka oumo.

Heberu 13:16

Ke ca he öbun ka hnying he ka mâdrâ so me betenge: anyin a wale je hut Khong ame senyinâ.

Iakobo 5:1

E ÖBUN watren omjeû, tenge thö me kuku can ta je vec ame he ka o köbun.

I. Peteru 4:17

Anyin a walang ûen dut he ka ûhnei hwân hnyi uma umen Khong: ke ame ne hwân unyita, ieû obiny ka tavat adre oûnyibâûâ ûthumetu ae so anyin Khong?