Luka 21:19 - Iaai Bible 1901 (New Caledonia)

¹⁹ Öbun ka hok hnyok, me öbun e he ka möt.

Luka 21:19 ပူးပေါင်းရင်းမြစ်များ

Salamo 37:7

Laba wia ju unyi Iehova, ke halubahingen ju: Ca he ka hmak ge at ae sot hnyi deny gethen, Wale at ame bibihwakeoin he ka okongoâ.

Salamo 40:1

OGE me labö halubahing Iehova; Me e ame tevehling nya, me long anyik tenge.

Habakuka 3:16

Oge me long, me ame ututut hnyekuk, Ame öbubuny li esongodik ge hwan; E amam but je jeiök, ke oge me öbubuny hnyi hnok: Mʼ oge me he ka menâ hnyi bonginy vec, Hnyi ûen e ame o but ûcon hnyei wale ame o kâu a je deo vat,

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Mataio 24:13

Ke haba at ame he ka tethmâ ke ne o but obiny, me e ame he ka möt.

Luka 8:15

Haba keihen hnyi kânâ ae hoso, wale tavat adre me long hofuc me hnyok ae so me hnathu, me kât hmâ, me wa wan a deny hok hnyok.

Roma 15:4

Anyin a haba ta je ûnyi adre sihnalimen adrem, me adre me sihnalimen hnân nʼ öta, me me hu anyita geju hnen hokhnyok me kaukahwa ûnyi hnyi je hna sihnalimen.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

Roma 5:3

Ke ca walang thibi, ke so ate me senyin minya hnyi anyita je vec: anyin ae khanʼ öta a gʼ ame okûâ hokhnyok ûnyi ge vec;

Roma 5:4

ke haba hokhnyok ame okûâ wâhmakhmetoâ; ke haba wâhmakhmeto ame okûâ gejon:

Roma 8:25

Ke ate ne gejon hnöta hna ca wâ, ate me halubahingen e me hokhnyok.

I. Thesalonika 1:3

me ca menâ ûnykûme anyibun huliwa hnyi labageju, me huliwa hnyi ibetengiö, me hokhnyok hnyi gejon ka Tuhöta Iesu Keriso hnyi hnyimakan Khong a Kamöta;

II. Thesalonika. 3:5

Ke so ame he Than ka owisa je hnyekubun ka hnyi ibetengiö anyin Khong, me hokhnyok ûnyi ge Keriso.

Heberu 10:36

Anyin ae ûnyi hnathu köbun he ka hokhnyok, me me hu gabun hna ha bânâ, öbun ka hia but ânyâ weny Khong.

Heberu 6:11

Ke e wehmun mʼ öbun e he ka ve omanenâ tang hwege eling ka hnyi gejon ae gan hmâ ke ne o but obiny:

Heberu 6:15

Ke hwaban hnen hna hok hnyok me ame hu gan hna ha bânâ.

Iakobo 1:3

anyin ae khanʼ öbun a gʼ ame okûâ hokhnyok he ka cubec anyibun labageju.

Iakobo 1:4

Ke so ame he hokhnyok ka huliwa bekhötâ, mʼ öbun e he ka bekhöt me wisa, ke ba ûnyi ae hia.

II. Peteru 1:6

me bi hanen hom ûhnyûkongo ka hnyi metâ; me bi hanen hokhnyok ka hnyi hom ûhnyûkongo; me bi hanen hwakecin ae ûcû ka Khong ka hnyi hokhnyok;

Hna Omanenâ 1:9

Inya Ioane, liamekeiny mʼ öbun me tha inya mʼ öbun hnyi vec, me dokhu, me hok hnyok ûnyi Iesu, oge mwi but hnyi bomene Patamo ien, can hofuc hwan Khong me hna ohnathu Iesu.

Hna Omanenâ 13:10

A ne ke at ame he ka hom bâ, me adre me he ka hom hwenbâ e: a ne ke at ame hlingâ ge hele vat, me adre me he ka hlingâ e ge hele vat. Wale hok hnyok me labageju anyin wakap.

Hna Omanenâ 14:12

Wale hok hnyok anyin wakap, tavat adre me löng hoton hnanyibu anyin Khong, me labageju kö Iesu.

Hna Omanenâ 3:10

U je tuö hofucin hnok hna hok hnyok, anyin a wale, oge me he bi nya ka tuö u hnyi ûen ûcûbic, wale ame he ka o ka hnyi hmeledrany hia thithö, he ka cubec tavat adre me laba eang hmeledrany.