Luka 21:16 - Iaai Bible 1901 (New Caledonia)

¹⁶ Ke ame he ka alecuʼ Öbun hnen je kamen, me hinyen, me je liamekeiny, me lahanöbun, me je lawaebun; ke adre me he ka hlingâ keihen gabun.

Luka 21:16 ပူးပေါင်းရင်းမြစ်များ

Jeremia 12:6

Anyin a hia but iyawo u hnen je liamekeiny möu, ke hnen minya lap anyin kâmâm; ke adre me hao u hwegiö u: eja ke ne adre ne ha so köu, ca kop ödra bi.

Jeremia 9:4

Ve wâ ju öbun je lahanöbun, ke ca labageju öbun ka je liamekeiny: anyin ame he je liamekeiny hia thithö ka iobö.

Mataio 10:21

Ame he keiny ka hna liamekeiny mē ka mok, ke helâe minya kamen ka nokon: kʼ ame he lakon ka tot ka kamödrin me hinyödrin, mʼ adre me he ka hlingʼ ödru.

Mareko 13:12

Ame he ke liamekeiny ka hna liamekeiny mē ka mok, ke helâ kamen ka nokon; ke ame he lakon ka tot ûcon kamödrin me hinyödrin, he ka hlingʼ ödru.

Luka 12:53

Adre me he ka ve kia kamen me nokon, ke nokon me kamen; ama iwahnaihmiony hinyen me nokon hlu, ke nokon hlu me hinyen; ame he ka iwahnaihmiony ûngon me ûngon hlu, ke ûngon hlu me ûngon.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Luka 21:17

Ke ame he tavat hia thithö ka hûköti öbun can iök.

Ta je huliwa 12:2

Me e ame hlingö Iakobo liamekeiny me Ioane ge hele vat.

Ta je huliwa 7:59

Ke adre me lûö Setefano, kʼ ame tiga hic me ha, ka habe, Than Iesu lö, kap ju hanuk.

Hna Omanenâ 12:11

Ke adre me hwege hon ûnyi ge dren Arenio, me hofuc adre me ohnatho; ke adre me ca hnyokâ anyidra möt ke ne o but mok.

Hna Omanenâ 2:13

E khanö nya dok u me laba hnyin, wale hnyi theron anyi Satana: ke u je kât hmâ iök, me ca ivinoâ labageju könya, waleji hnyi je bong bongu Anetipa ae hnathu, at ame ohnathu nya, waleji adre hlingâ unyibun, hnyi dok ame laba hnyin Satana.

Hna Omanenâ 6:9

Ke a hia but khong hna ohmâ haten a thabûnginy, me oge me wâ hnyi hmelen taben hut je hanon tavat adre hlingâ can hofuc hwan Khong, me can hnödra hna ohnatho: