Luka 20:37 - Iaai Bible 1901 (New Caledonia)

³⁷ Ke so bi, a hia but omanenâ ga Mose, hnyi dok eji a uhnyot, a gʼ ame he ka möt hmetu tavat ûhedra hnyi hna mok, waleji hnyi hnen hna hawâ Than a Khongu Aberahama, me Khongu Isaaka, me Khongu Jekob.

Luka 20:37 ပူးပေါင်းရင်းမြစ်များ

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Genese 28:13

Ke wâ bi, ame tot Iehova ethö hon e, me ha, ka habe, Inya Iehova, Khongu Aberahama a kâmâm, me Khongu Isaaka: haba kânâ u me mokut hnyin, oge me he ka ham e köu, me je mâtrânâm;

Genese 28:21

mʼ oge me he ka o hmetu ka hnyi hnyaba cica hnyi hnahic, awe, Iehova but Khonguk,

Genese 32:9

Ke Jekob ame ha, ka habe, Khongon kibik Aberahama lö, me Khongu cica Isaaka, Iehova lö, at ame ha könya, ka habe, He hmetu thö ka hnyi hnyei iny je lahanâm, mʼ oge me he ka ânyâ so köu:

Esodo 3:15

Ke Khong ame ha minya kö Mose, ka habe, U ma he ka ha helâng ka lakon Isaraela, ka habe, A hia but kunö nya köbun Iehova, Khongon, lakamöbun, a Khongu Aberahama, me Khongu Isaaka, me Khongu Jekob; wale iök nyiele balua, ke wale hnân ûnykûmi nya hnyi ta je dö hia.

Deuteronomi 33:16

Me ta je ûnyi ae ûnyi hnathuiny kânâ, me unöngötiny, Me ibetengiö anyin at waleji ame laba hnyi ûö ae ûdedö: E so e o hnahic ka hnyi hon bö Josefa, Ke hon wanben ban at waleji adre ûsâkâûöâ me je liamekeiny mē.