Luka 20:20 - Iaai Bible 1901 (New Caledonia)

²⁰ Ke adre me tuö e, me kunâ keihen he ka ecmâkâ, me iyawâ hwakecin ae wisa, kʼ ödrin thoi bi, mʼ adre me he ka kât e ge ta je ifucin, mʼ adre me he ka hna but e ka tavat owisa, me musi anyin gavena.

Luka 20:20 ပူးပေါင်းရင်းမြစ်များ

II. Samuela 14:2

Ke Joab ame ûkhûnöng Tekoa ai, me hawâ ke momo ae metâ, me ha kâu, ka habe, Ö u me he ka tenge thoi, me khavâ je ûkhaûen hnyamok, kʼ u me ca he ka sûö wakaco, kʼ u me he ka helâ me momo ame tenge beû can at a mokcu:

Salamo 38:12

Adre me töu hnewek tavat adre me elâm hanuk. Kʼ ame haiö nya hnen tavat adre me bekuc nya, Kʼ adre me ûnykûme tang iyawö hnyi je bong.

Salamo 66:3

Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.

Salamo 81:15

Ame he tavat adre me hûkötiö Iehova he ka iyâû kâu; Kʼame he ka tethmâ balua bi bongudra je bong.

Jeremia 11:19

Ke iny ûcû me nokon mamoe ae hnam adre me lelö he ka hlingâ; ke ca khanö nya bi, a gʼ adre me ip je hna ûnykûme könya me ha, ka habe, Ate me he ka tha ohia ûo me wan, ke ate me he ka subâ degecâ e hnyi hnyei iny tavat ae mot, mʼ adre me ca he hmetu ka ûnykûme ien.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Daniela 6:4

Ke haba ke li at musi ae beönua ke tavat musi ae gan, me adre me elâm can ga Daniela ûnyi hnyi dokhu; ke ca khanʼ ödra he ka wâ ke can ke hulo: anyin a e hnathu, ke ba monu ke kongon adre me wâ gan.

Mataio 27:2

ke adre me ca e, me lelö thö e me hna but e kö Pilato a gavena.

Mareko 3:2

Me adre me tuö e, hawa, ame ne he ka osoâ e hnyi bong sabath; mʼ adre me he ka bi fuco e.

Luka 11:54

adre me tuö e, mʼ adre me he ka kât ge ke hofuc ûnyi hnyi hnyimen.

Luka 20:21

Ke adre me hnö e, ka habe, At ûne lö, e khanʼ öhmun dut a u me ha me ûnö wisa, ke u je ca wâhmakhmeto at, ke u me nâ hnatho gethen deny Khong:

Luka 20:26

Ke ca khanʼ ödrin he ka kât e ge ifucin hnyi hnyimakan tavat: ke adre me lâiâ hnen hna thu, me laba hnyibû.

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.