Luka 20:13 - Iaai Bible 1901 (New Caledonia)

¹³ Me ame ha tuhan hnyei vine, ka habe, Ieû oge me he ka ânyâ? Oge me he ka kunâ nokuk a oûnykûmik, ödrin e he la ka ogânâ e.

Luka 20:13 ပူးပေါင်းရင်းမြစ်များ

Isaia 5:4

Ieû ae khanʼ ödra ânyâ hmetu hnyi ik hnyei vine a oge ca hia but ânyâ hnyin e oge me halubahingen he ka wa wan vine, ke ieû ame wa, wan vineiny hnyot gan?

Jeremia 36:3

Ame ne he la lap anyi Juda ka löng ge ta je ûnyi hia ae kong waleji oge me ûnykûme he ka ânyâ ködra; mʼ adre me he ka ve hmetu ûnyi hnyi dedra ta je gethen ae kong; mʼ oge me he ka hna anyidra monu me hulo.

Jeremia 36:7

Adre ne he ka he la ka ha hnödra hna khöû hnyi hnyimakö Iehova, me ve hmetu ûnyi hnyi dedra je gethen ae kong; anyin ae gan hmâ hmonyin me wathethot ame ha Iehova hon hnyei ang.

Ezekiela 12:3

Anyin a wale, nokon at lö, u ma penapena ta je ûnyi hnân sukhöûnâ, ke sukhöûnâ but hnyi lany hnyi hnyimakodra; ke u me he ka he thö ûnyi hnyi hnâm ka hnyi ke dok hnyi hnyimakodra: eja ke ne ödra lap ae ûkhin fuc, me adre ne he la ka ûnykûme.

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Hosea 6:4

Eferaima lö, ie ûnyi oge me he ka ânyâ köu Juda lö, ie ûnyi oge me he ka ânyâ köu anyin ae ûcû anyibu so me ûlâ hnyi hnyomakatu, ke helâ me dân hau ae logot hia.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Luka 18:2

haingen, ka habe, Wale at owisa hnyi ke taun, at ame ca outen Khong, kʼ ame ca ogânâ at:

Luka 18:4

Ke e ame höcö hnyi ûen eling: ke hwaban dö e, e ame ha eû hnyi hnyekon, ka habe, Eja ke ne oge ne ca outen Khong, ke oge me ca ogânâ at;

Luka 20:12

Ke e ame kunâ hmetu a kuniny: ke ödrin e kot minya e, me obâ kâû.

Luka 20:14

Ke a wâ but e hnen tavat belök, me ödrin e ûsabö, ka habe, Wale but ang mâtrân: otin e he ka hlingâ e me me tang omjehetin biju anyin ta je ûnyi.

Luka 9:35

Me ame o but hwan hofuc ûnyi hnyin ûlâ ame ha, ka habe, Wale Nokuk a ûcanök: long ju öbun kâu.

Ioane 1:34

Ke oge hia but wâ me ohnatho, a e thibi Nokon Khong.

Roma 8:3

Anyin a haba ûnyi ae pason ka hnanyibu, can ae sënyin ûnyi ge unyin, me haba Khong ame kunâ hing Nokon, helâ unyin ae kong, ke hnân hudiny hulo, me me ohnaûhangoâ hulo ûnyi hnyi unyin:

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,