Luka 20:10 - Iaai Bible 1901 (New Caledonia)

¹⁰ Ke haba hnyi huna e ame kunâ athnyabainy ka tavat belök, mʼ ödrin e he ka ham kâu je wan vine ke haba tavat belok, me ödrin e kot e me obâ ke ba ûnyi a hom.

Luka 20:10 ပူးပေါင်းရင်းမြစ်များ

I. Je Than 22:24

Haba Zedekia nöku Kenaana ame hakekenyâ me khaû wahicö Mikaia, me ha, ka habe, A deny ua hanu Iehova ûheny unyik he ka ha bi köu?

II. Je Than 17:13

Ke so bi haba Iehova ame haimemenâ ka Isaraela, me Juda, a deny je perofeta hia, me tavat wâ hia, me ha, ka habe, Hwio thö ûnyi hnyi debun ta je gethen ae kong, ke tuö ju hnok je hna hûna, me anyik je hnanyibu, helâ me je hnanyibu hia waleji oge hûna ka lakamöbun, me kunâ köbun a deny je athnyabaik a je perofeta.

I. Man Ûlabainy Je Than. 19:4

Haba Hanuna ame hom lathnyabai Davita, me giʼ ödrin, me subâ but je khaûidrin hnyi wanben ke ne o but hnyi hon je hujiödrin me kunʼ ödrin dut.

II. Man Ûlabainy Je Than. 16:10

Me ame hmonyin Asa ka at wâ, me ip hnyi uma ceat; anyin a e ame hmonyin kâu can hofuc e. Ke Asa ame ovecâ keihen tavat hnyi ûen eling.

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Nehemia 9:30

Ke se hia je huna u je hokhnyoki ödrin, me thawʼ ödrin hnen hanom a deny ânyâm je perofeta: ke ödrin e ca belöng: anyin a wale u je hnʼ ödrin ka tavat aten je hnyei.

Salamo 1:3

Me e ame he ka ûcû me ûö adre ta hnyi i baten ta je wagewe, Kʼ ame wa but wan hnyi huna, Kʼ ame ca meleca thö lan; Kʼ ame he bi ka hnahic ta je ûnyi hia e ame ânyâ.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 20:2

Me haba Pasur ame fuc kö Jeremia perofeta, me ca e, a ohmâ hnyi utö ae hnyi homagouleny Beniamina ethö, waleji hnyi uma umö Iehova.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 5:24

Ke adre me ca ha eû hnyi je hnyekudra, ka habe, Ate me he walang ang ka outö Iehova Khonguta, at ame ham we, wale a bân, me beliny hnyi ûen e; at ame tuö hobi köta je wikiny menu adre thu.

Luka 13:34

Jerusalema, Jerusalema lö, at ame hlingâ ta je perofeta, me lû ödrin adre kunʼ ödrin kâu! e se hia wek he ka ûkhacaköuâ lakom, helâ me hinyen denakhoto ame tube lakon ge li labenyin, mʼ öbun höcö bi öbun!

Luka 20:11

Me ame kunâ ke athnyaba bi: ke odrin e kot minya e, me okongoâ, me obâ ke ba ûnyi a hom.

Luka 20:9

E ame hwân he ka ha ka tavat ûhöûcû ang, ka habe, Ame tā hnyei vine hnen ke at, kʼ ame hna ka tavat ödrin e belökâ hnyei, me he but ka hnyi hnyei ae sâkâu he ka laba beû hmâ eling.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Roma 7:4

Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.