Luka 2:9 - Iaai Bible 1901 (New Caledonia)

⁹ Ke ame tot unyidrin angela anyin Than, me ame umumelam igigili ödrin melaminy Than, me ödrin e ot gan hmâ.

Luka 2:9 ပူးပေါင်းရင်းမြစ်များ

I. Je Than 8:11

me me ca khana hnyat bihut he ka tot me huliwa can ûlâ: anyin ame unöngötö uma umo Iehova ge hmanenangi Iehova.

Esodo 16:10

Ke Arona ame tiga ha hofuc ka ûkhacaköu hia anyin lakon Isaraela, me adre me bwele hnyebuba ai, ke wâ bi, e manen soi Iehova hnyi ûlâ.

Esodo 16:7

ke haba hnyi hnyomakatu öbun e he ka wâ soi Iehova; anyin a e ame löng hna etrö Iehova gabun: ke ie li at ohmu, mʼ öbun e he ka etrʼ ohmu?

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 40:5

ke adre me he ka omanenâ hmanenangi Iehova, ke ame he ka tha wâ hnen tavat hia thithö: anyin a ha hnen hnyimö Iehova.

Isaia 60:1

HÖHÖI thö, umumelam dö; anyin a o but melamâm, ke a o but hom hmanenangi Iehova.

Ezekiela 3:23

Me oge me tot me be ka hnyi dok ae tha hon: ke wâ bi, ame tot eling hmanenangi Iehova, helâ me hmanenang waleji oge me wâ hnyi wagewe Kebara: me oge me ta ju hnyikânâi.

Mataio 1:20

Ke e ame tiga ûnykûme ta je ûnyi eling, me wâ bi ame manen dut kâu angela anyin Than hnyi bwi, ame ha,, ka habe, Josefa nöku Davita lö, ca ot he ka hum Maria âiâm; anyin a erkin dut hnen Hanu Kap.

Luka 1:28

Haba angela ame didro kâu me ha, ka habe, E, u at adre betenge gan lö, e but unyâm Than.

Luka 2:8

E hu tavat tuö mamoe hnyi hnyei eling, ödrin e hmâkâ hnyi hnyinghet haledrin ta je mamoe.

Luka 24:4

Ke ödrin e tiga loloâ, wâ bi, li at ödru me tot unyidrin, kʼ ödre khavâ je ûkhaû ae hadröngoc:

Ioane 12:41

Haba Isaia ame ha ta je ûnyi e, anyin a e ame wâ anyin hmanenang; kʼ ame hâiâ e.

Ta je huliwa 12:7

Ke wâ bi angela anyin Than ame tot unyin, ke ame melam hnyin uma ceat: me e ame khaû vhakö Peteru, me ohmâkâ e, me ha, ka habe, Ie todrö. Me ame ka kolu but li tö fao ûnyi hnyi li hnyamen.

Ta je huliwa 27:23

Anyin a mwi unyik eja hnyinghet angela anyin Khong wale at oge me bi athnyabainy, ke oge me huliwa kâu,

Ta je huliwa 5:19

Ke ame khong je hwanumen uma ceat hnen angela anyin Than hnyi hnyinghet, me hum ödrin dut hnyou ai, me ha, ka habe,

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Heberu 12:21

hnân outen gan hmâ ûnyi ame manen, me me haingö Mose, ka habe, Inya oge me ot gan hmâ me gâ uk:

Hna Omanenâ 18:1

KE hwaban ta je ûnyi e, inya oge me wâ ke angela minya ame utut ûheny hnyi drany, ae hu musi ae gan; ke ame melam hmeledrany ge anyin hmanenang.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.