Luka 2:32 - Iaai Bible 1901 (New Caledonia)

³² Wale melam hnân omelamâ Aten ta je hnyei, Ke hnân hmanenanginy lakem a Isaraela.

Luka 2:32 ပူးပေါင်းရင်းမြစ်များ

Salamo 85:9

E hnathu o hakekeny ka tavat adre me outen e anyin ûhomeli; Me me he hmanenang ka labā ita hnyei.

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 45:25

Adre me he ka haiwisa ta je mâtrâni Isaraela hia thithö unyi Iehova, ke adre me he ka hobâ.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 49:9

me ha ka tavat adre ca, ka habe, Didrut öbun; ke kodra hnyi dok ae lit, ka habe, Omanenʼ öbun ju. Adre me he ka han hnyi je gethen, me han tot hnyi je dok hia ae gorany.

Isaia 51:4

Lakeik lö, ling nya ju; ik hnyei lö,, tevehlöng ju könya: anyin ame he ka he but ûheny unyik hnanyibu, ke oge me he; ka ip hnok hna owisa hnân melaminy ta je hnyei.

Isaia 60:19

Ame ca he hmetu seûno ka hnân melamâm hnyi lany; ke ame ca he ka omelami u ge melaminy tehi: kʼ ame he Iehova ka olanyi u nyiele balua, ke Khongom a mecâm.

Isaia 9:2

Haba tavat waleji adre me vheno menekholom, me adre me wâ melam ae gan: ke haba tavat adre me labā je hnyei a hanon mok, me ame umumelam hudra lany.

Jeremia 2:11

Hawa, e hu hnyei ame wia je khongon, ke ca je khong bi? ke so bi, a hia but lakeik wia anyidra hmanenang, mʼ adre me hom bi ûnyi ae ba troban.

Zakaria 2:5

Anyin a haba inya, me oge me he ka helâ me hak meic igigilo e, haingö Iehova, anyin a haba inya, me hnân hmanenang hnyi wanben e.

Mataio 4:16

Haba tavat adre me laba hnyi menekholom Adre me wâ melam ae gan, Ke haba tavat adre me laba hnyi ke keihen hnyei a hmenon mok, Ame o but melam kodra.

Luka 2:10

Ke haba angela ame ha ködrin, ka habe, Ca ot bi; anyin a wâ bi, inya oge me ha köbun ûthumetu ae so hnân senyin gan hmâ hobi kâu tavat hia thithö:

Luka 2:31

Wale u je penapena hnyi hnyimakan tavat hia thithö;

Ta je huliwa 26:23

ka habe, Ame he Keriso ka vec, ke ame he ka bân ka möt hmetu ûheny hnyi hna mok, me omanenâ melam ka tavat, me Aten ta je hnyei.

Ta je huliwa 28:28

Anyin a wale, wâhmakhmeto ju Öbun, a gʼ adre hia but kunâ ûhomeli eang anyin Khong ka Aten ta je hnyei: me adre me he minya ka long.

I. Korinito 1:31

helâ me hnödra hna sihnalimen, ka habe, Haba at ame hobeluâ, me so e ame hobeluâ hnyi Than.

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.