Luka 2:26 - Iaai Bible 1901 (New Caledonia)

²⁶ Ke adre hia but omanenâ kâu a deny Hanu Kap, a gʼ ame ca he ka wâ mok, kʼ ame he ka mē wâ thö Keriso anyin Than.

Luka 2:26 ပူးပေါင်းရင်းမြစ်များ

Salamo 2:2

Haba je tuhan hmeledrany adre me tet metâ, Ke ame tha ûsabö je taben, He ka hagutö Iehova me at e ame hû me haingödra, ka habe,

Salamo 2:6

Ke so bi oge hia but otilâ anyik than Hon Ziona, anyik bucen ae kap.

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Mataio 2:12

A hia but Khong koû ködrin hnyi bwi mʼ ödrin e ca he ka hmetu kö Heroda, me ödrin e he but ka hnyi idrin hnyei hnyi ke gethen bi.

Luka 2:29

Than lö, u ma hna but walang ang athnyabaem he ka he hnyi hnahic, Helâji me hwâm hofuc;

Luka 9:27

Ke e hnathu inya oge me ha köbun, haba keihen adre me tot ang, adre me ca he ka mē mok ke ne o but adre me wâ thö dokhu dokhon Khong.

Ioane 1:41

E ame bân ka elâm liamekeiny mē a Simona me ha kâu, ka habe, Ohmun e wâ but Mesia, (bongon, Keriso).

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 4:29

Ai öbun he ka hnyi wâ at ame hia but ha könya ta je ûnyi hia oge hia but ânyâ: hawa, ame ne e la Keriso?

Ioane 8:51

E hnathu, e hnathu, inya oge me ha köbun, ka habe, a ne hu at ame he ka vheno hok hofuc, me e ame ca he ka wâ mok nyiele balua.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 17:3

ame lau me ha kodra, ka habe, e ûcû Keriso he ka hom vec, me möt hmetu ûheny hnyi hna mok; haingen minya, ka habe, haba Iesu eling wale oge me omanenâ köbun, me wale thibi e Keriso.

Ta je huliwa 2:36

Anyin a wale, e so e he lap anyi Isaraela hia ka wâhmakhmeto a gʼ ame hia but Khong wia Iesu at öbun e osatauroâ me me Than me Keriso.

Ta je huliwa 9:20

Ke e ame ie kheti Iesu hnyi je sunago, a e thibi Nokon Khong.

Heberu 11:5

Hnen labageju adre me hum Enoka thö me me ca he ka wâ mok; me adre me ca wâ e, anyin a Khong ame hom e: anyin adre ohnathoâ e waleji kʼ ödra tiga ca hom e, a e at ame osenyinâ Khong: