Luka 2:14 - Iaai Bible 1901 (New Caledonia)

¹⁴ Ogânâ thö Khong ae nua ethö görany; Ke haba hnyi hmeledrany hnahic unyin tavat wale e ame betenge gadra.

Luka 2:14 ပူးပေါင်းရင်းမြစ်များ

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Mika 5:5

Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.

Mataio 21:9

Ke haba tavat adre me bödra me tavat a bilidra, adre me kuku me ha, ka habe, Hosana ka Nöku Davita: Hnen hnahic at ame o but hnyi ien Than; Hosana ethö beönua.

Luka 1:79

He ka omelamâ tavat adre me laba hnyi lit me hmenon mok; He ka su ta je cata ka hnyi gethen ae hnahic.

Luka 19:38

haingödra, ka habe, Hnahic hnen At musi ame o but hnyi ien Than: hnahic ethö hnyi drany, ke hmanenang ethö hnyi dok ae görany hmonyin.

Luka 2:13

Me ame ie tha e me angela tavat ae se hia ûnyi hnyi drany, adre me ogânâ Khong me ha, ka habe,

Luka 2:15

Ke ame he but gadrin je angela hnyi dranyai, me ame ûhaköuâ hnyat tuö mamoe, ka habe, otin a he walang ang Bethleema ai, me wâ ûnyi eang adre ânyâ, wale ame omanenâ köta hnen Than.

Luka 3:22

me ame olo but kâu Hanu kap hnyi unyin, helâ me biny, ke ame o but hofuc ûnyi hnyi drany, ka habe, U thibi Nokuk a oûnykûmik; oge me senyin köu.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 17:4

Oge me oganö u eang hmeledrany, ke oge hia but umo huliwa u je kunö nya he ka ânyâ.

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Efeso 1:9

ke e ame omanenâ köta ûnyi ae iyong hnyi weny, hoton weny ae so, waleji e ame bân ka ûnykûme ûnyi gan

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

Efeso 2:7

me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Filipi 2:11

me me he ka ha manenâ ta je bohmen hia thithö a Iesu Keriso thibi Than, hnân ogânâ Khong a Kamen.

Filipi 2:13

anyin a Khong ame huliwan je hnyekubun he ka weny me ânyâ, hoton weny ae so.

Kolose 1:20

me he ka öûsoköuâ ta je ûnyi hia thithö a deny e, e ka hia but öûsoköuâ ge dren anyin satauro; wale a deny thibi e, ame ne ta je ûnyi eang hmeledrany me ethö hnyi drany.

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

Hna Omanenâ 5:13

Ke oge me löng ta je ûnyi hia adre op ethö hnyi drany, me hnyi hmeledrany, me eû hmelen hmeledrany, me eû hnyi köiö, me ta je ûnyi hia thithö hnyi je dok eling, adre me ha, ka habe, E so e unyin at ame taba theron, me Arenio minya, hna haisoa, me hna ogöranyâ, me hna ogânâ, me man nyiele nyiele balua.