Luka 19:8 - Iaai Bible 1901 (New Caledonia)

⁸ Ke haba Zakaio ame tot me ha ka Than, ka habe, Than lö, wâ ju, inya oge me ham ke keihen a hafiny anyik ta je ûnyi ka tavat ae theduoc; ke oge ne hia but hûgûnâ monoâ omjehen ke at, me oge me ibi ovak hmetu bi hwaban.

Luka 19:8 ပူးပေါင်းရင်းမြစ်များ

II. Samuela 12:6

ke e ame he ka ovak ham hnân bi hnen nokon mamoe, can e ame ânyâ ûnyi e, ke ba betenge gan.

Salamo 41:1

HNAHIC hnen at ame ûnykûme ka at ae sënyin: Ame he Iehova ka omelo e hnyi bong ae kong.

Esodo 20:16

U ca he ka bi fuco thoiâ ke at.

Ta je Vejec 6:31

Ke ödra ka kât e, e ame he ka oseven bi hwaban; E ame he ka ham hia onyen umen uma.

Ezekiela 33:15

kʼ ame ne he at ae kong ka ohmeto haten, kʼ ame ne ham hmetu ûnyi e ame hûgûnâ, me vheno je hnanyibuiny möt, ke ame ca ânyâ bi monu; awe, e ame ke ka möt, ke ame ca he bi ka mok.

Numera 5:7

me hamödra he ka omanenâ anyidra hulö waleji adre me ânyâ: kʼ adre me he ka bi hwaban bekhötâ anyidra hulö, me bi hanen ke keihen a thabûnginy ka hnyin, me ham ka at waleji e ame monu kâu.

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 16:9

Ke inya oge me ha köbun, ka habe, Bi hanöbun unyin mamona ae ca wisa; me me ka o obiny, me adre me he ka kop öbun ka hnyi umödra ta je uma a nyiele balua.

Luka 19:7

Ke ödra hia adre me wâ e, me adre me ulidra, ka habe, A he but ka tha laba me at ae kong.

Luka 7:13

Ke haba Than ame wâ momo, me e ame betenge gan, me ha kâu, ka habe, Ca tenge.

Luka 7:19

Me haba Ioane ame hawâ ke li at hnyi laten me kunʼ ödru ka Than, he ka ha, ka habe, U at ame he ka o, ke hawa, ohmun e he ka lubahingen khaca?

I. Samuela 12:3

Inyʼ ang: ohnathu nya thö hnyi hnyimakö Iehova, me hnen hna hû: ia oge hom haleny bolok? ke hale ia asina oge hom? ke oge iyawö ia? ke oge oveci ia? ke oge kap hwaban ûnyi hnyi hnyamö ia he ka omûkâ li emakök can e? mʼ oge me he ka ham hmetu köbun.