Luka 19:47 - Iaai Bible 1901 (New Caledonia)

⁴⁷ E ame ûne hnyi je bong hnyi uma kap. Me adre me elâm he ka hlingâ e hnen je taben tavat bihut, me tavat sihnalimen, me je athnathuiny hnyei:

Luka 19:47 ပူးပေါင်းရင်းမြစ်များ

Mataio 21:23

Ke e ame o ka hnyi hnyin uma kap, me haba je taben tavat bihut me wahingatiny hnyei ödrin e o kâu hnyi ûen e ame tiga ûne, me haingödrin, ka habe, Hnen musi anyi ia u me ânyâ ta je ûnyi e?

Mataio 26:55

Hnyi awa eling Iesu ame ha ka tavat ae se hia, ka habe, Hawa, öbun e o but me je hele vat me je utöhmu helâke me ka at venöu he ka hum nya? Oge me laba hnyin uma kap hnyi ta ogo bong he ka ûne, ke öbun e ca kot nya.

Mareko 11:18

Ke a long ut hnen je taben tavat bihut, me hnyat sihnalimen, me adre me heleû deny he ka hlingâ e: anyin a ödrin e outen e, anyin ame lâiâ tavat hia hnen hna ûne.

Mareko 12:12

Me adre me heleû deny he ka kât e; ke adre me outen tavat ae se hia; anyin ae khanʼ ödra hnen hna ûhöûcû gadra: me adre me hna but e me he but.

Mareko 14:1

HWABAN lo li bong adre me he ka bi paseka, me areto adre ca levenâ bi: haba je taben tavat bihut me hnyat sihnalimen, adre me heleû deny he ka kât e ge hofuc iyawö, mʼ adre me he ka hlingâ e:

Mareko 14:49

Tha inya möbun hnyi je bong hnyi uma kap oge me ûne, kʼ öbun e ca kot nya: kʼ adre me ânyâ ûnyi ang me me hwâdâ hna sihnalimen.

Luka 19:48

ke adre me ca wâ ke ûnyi he ka ânyâ; anyin ame belöng kâu tavat hia thithö.

Luka 20:19

Ke haba tavat sihnalimen, me ta je taben tavat bihut adre me elâm hnyi awa eling he ka kât e; ke ödra outen tavat: anyin ae khanʼ ödrin dut a e ame ha ûhöûcû eling gadra.

Ioane 10:39

Adre me elâm hmetu he ka kât e: me e ame he but ûnyi hnyi hnyamödra.

Ioane 18:20

Haba Iesu ame thu kâu, ka habe, Oge hia but ha manenâ ka hmeledrany; oge me labö ûne hnyin je sunago, me hnyin uma kap, wale ame labö ûkhacaköu hnyin at Juda; ke ba hofuc oge me ha duöngâ.

Ioane 7:19

Hawa, a ca ham köbun Mose hnanyibu, ke ba ke at gabun ame vheno hnanyibu? Ieû gabun öbun e elâm he ka hlingö nya?

Ioane 7:44

Ke e weny keihen he ka kât e; ke ba bi at ame hinöbeny kâu.