Luka 19:46 - Iaai Bible 1901 (New Caledonia)

⁴⁶ ame ha ködra, ka habe, Adre hia but sihnalimen, ka habe, Haba umök uma, me uma hnân hic; ke öbun e wia thö e me me op a umen tavat venöu.

Luka 19:46 ပူးပေါင်းရင်းမြစ်များ

Salamo 93:5

E hnathu hmönyin hnâm ta je hna ohnatho: E ûcû hwakecin ae kap ka hnyi umâm uma, Ke ne o but nyiele balua, Iehova.

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Jeremia 7:11

Hawa, op umen tavat venöu hnyi hnyimaköbun uma eang wale adre ip hon e iök? Wâ bi inya oge wâ but, haingö Iehova.

Ezekiela 43:12

Walang hnanyibuiny uma: haba hnyi ban bucen, me ame he bi ka ti kap hnen e hia igigilo. Wâ bi, wale thibi e hnanyibuiny uma.

Hosea 12:7

E at ame ûcû omjeû, e hnyi hnyamen tulut iyawo; e ame weny he ka seda.

Mataio 21:13

me e ame ha kodra, ka habe, Adre hia but sihnalimen, ka habe, Adre me he ka hwenyi ien umök uma, me uma hnân hic: ke öbun e wia e me me op umen tavat venöu.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mareko 11:17

Ke e ame ûne, me ha kodra, ka habe, Hawa, adre me ca sihnalimen, ka habe, Adre me he ka hwenyi ien umök uma, me Uma umen hic hobi kâu ta ogo hnyei hia thithö? ke öbun e hia but wia e me op a umen ta je venöu.