Luka 19:29 - Iaai Bible 1901 (New Caledonia)

²⁹ Ke e ame hakekeny jut Bethefage ai, me Bethania hnyi bucen Elaio ien, me e ame kunâ ke li laten,

Luka 19:29 ပူးပေါင်းရင်းမြစ်များ

Zakaria 14:4

Ke haba hnyi bong eling, me ame he li can ka tot hon bucen Elaio, cicö deiö Jerusalema, ke adre me he ka subâ luâ bucen Elaio hnyi wanben e deiö me jio, me ame he ka hu hnyigöulen bucen ae gan; ke ame he ke keihen bucen ka he ka hnyi hwadro, ke haba ke keihen ame he ka he ka hnyi hwaiöu.

Mataio 21:17

Me e ame hnʼ ödra but me he but ûheny hnyi taun Bethania ai, me mokut eling.

Luka 19:30

me ha, ka habe, He thʼ öbu ka hnyi taun cici öbu; ke öbu ka tiga dit hnyin öbu me he ka wâ nokon asina adre noc, ae tiga ca tabâ e hnen at: thang ut e me lelö thö jem.

Luka 19:37

E ame hakekenyâ dok adre me ölö ka hnyi hon bucen Elaio, me ame hwân bunyen laten hia ka senyin me ole ka Khong ge ifucidra ae gan, can ta je huliwa ae man adre me wâ;

Luka 21:37

Ke e ame ûne hnyi uma kap hnyi je lany; ke hnyinghet ut e ame didrut me laba hnyi bucen, Elaio ien.

Luka 22:39

Ke e ame didrut me he ka hnyi bucen Elaio, helâji me hwakecin; me ame he hoton laten.

Luka 24:50

Ke e ame hum ödrin cicö Bethania: ke e ame hai li hnyamen me hahnahici ödrin.

Ta je huliwa 1:12

Ke ödrin e hmetu but Jerusalema ai ûhedrin hnyi bucen, Elaio ien, wale ae hakekeny Jerusalema, e ûcû he ka he hnyi Sabath.