Luka 18:9 - Iaai Bible 1901 (New Caledonia)

⁹ Ke e ame ha ûhöûcû eang ka keihen adre me ka labageju kodra bi, a ödra wisa, ke adre me oûnyibâûâ keihen:

Luka 18:9 ပူးပေါင်းရင်းမြစ်များ

Ta je Vejec 30:12

E hu dö ae ba hnyikongon hnyi hnödra hna ûnykûme bi. Ke adre me ca hneû degecâ ikiki gadra.

Isaia 65:5

tavat adre me ha, ka habe, Tot ut hââng, ca hakekenyi nya anyin a iny kap hom: wale hai hnyi li hnyingöik, ke meic ame hiâ hnyi je bong hia.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Levitiko 13:32

ke hnyi bong a seveniny ame he at bihut ka wâ mok, ke wâ bi, ame ne ca hûhûö wathu, ke ba leûnen ae mat hnyin, ke manen bi a ga ca dit wathu hnyin unen,

Luka 10:29

Ke e ame weny he ka hai wisa e bi, me e ame ha kö Iesu, ka habe, Ie at ae hakekeny könya?

Luka 15:2

Ke haba ta je Faresaio me tavat sihnalimen adre me ulidro, ka habe, Ame kap tavat ae kong hnen at ang, kʼ ame tha han mödra.

Luka 16:15

Ke e ame ha kodra, ka habe, Öbun tavat öbun e owisʼ öbun bi hnyi hnyimakan tavat; ke khana bi Khong je hnyekubun: anyin a haba ûnyi ame oûnyihnathoâ at, me, ikiki bi ling hnyi hnyimakan Khong.

Luka 18:11

Haba Faresaio ame tot me hijö e bi helâng, ka habe, Khong lö, inya oge me ole köu, anyin a iny ca ûcû bi me keihen, a tavat venöu, me hwali hwakecidra, me tavat bi ûnyi monu, kʼ iny ca ûcû minya bi me telona ang.

Luka 19:7

Ke ödra hia adre me wâ e, me adre me ulidra, ka habe, A he but ka tha laba me at ae kong.

Luka 7:39

Ke a wâ but Faresaio at a hawâ e, me e ame ha eû hnyi hnyekon, ka habe, Haba at ang, a ne perofeta, me e khana but bongon momo ang me hwakecin at ame kâlâ e, anyin a e momo ae kong.

Ioane 8:48

Haba at Juda adre me thu kâu, ka habe, Hawa, ohmun e ca ha hnatho, ka habe, U at Samaria, ke e gam demoni?

Ioane 9:28

Me ödrin e oû e, me ha, ka habe, U at bi u a aten; kʼ ohmun je latö Mose bi öhmun.

Ioane 9:34

Ödra adre me thu kâu, ka habe, Adre me hnöku u hnyi hulö ae gan, ke u me he bi ka nʼ ohmun? me adre me obâ but e.

Ta je huliwa 22:21

Ke haingen ame ha könya, ka habe, He thö, anyin oge me he ka kunö u sâkâû ai ka aten ta je hnyei.

Roma 10:3

Anyin ae ca khanʼ ödra hwakecin ae wisa anyin Khong, ke adre me elâm he ka otethmâ hwakecidra bi ae wisa, me adre me ca long bi hoton hwakecin ae wisa anyin Khong.

Roma 14:10

Ieû gam u me ûnykûme liamekeiny möu? ke haba khaca, ieû gam u me hmiân liamekeiny möu? anyin ate me be hia ka tot hnyi hnyimakan taben owisa anyin Khong.

Roma 14:3

Ca he at ame han ka hmiân at ame ca han, ke ca he at ame hnyi han ka ûnykûme at ame ca hnyi han: anyin a hia but Khong kap e.

Roma 7:9

Iny möt ehac ke tiga ba hnanyibu, ke ame o but hnanyibu, me ame möt dö hulo, ke oge mok ut;