Luka 18:7 - Iaai Bible 1901 (New Caledonia)

⁷ Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Luka 18:7 ပူးပေါင်းရင်းမြစ်များ

Salamo 88:1

IEHOVA lö, Khongon melik, Oge hia but hongot köu hnyi lany me lit:

Salamo 9:8

Ke e ame he ka owisa hmeledrany hnyi wisa, E ame he ka owisa soâ tavat.

Esodo 22:23

U je ne he ka okongu odrin, ke odrin e he ka tenge könya, me oge me he ka löng anyidrin tenge;

Isaia 40:27

Anyin a ieû gam Jekob u me ha, ke u Isaraela u me fuc, ka habe, E iyong kö Iehova dek gethen, ke a he but ûnyi ge Khonguk hna owisa könya?

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Mataio 24:22

Ke adre ne ca owakhaletâ ta je bong, me ba at ame he ka möt: ke so bi adre me he ka owakhaletâ ta je bong e ge tavat adre ûca.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Mataio 7:11

Anyin a wale, a ne mabun, öbun tavat ae monu, he ka wâhmakhmeto hna he ka ham ta je ûnyi ae so ka lakubun, awe, ame ca ti he bi Kamöbun ethö hnyi drany ka ham ta je ûnyi ae so ka tavat adre me sumâtâ e.

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Luka 2:37

ke e safac hnyi ta je huna a eite foa), e ame ca hnyi bia hnyin uma kap, kʼ ame bi athnyaba hnyi lit me lany, me ânyâ ca han, me labö khöû.

Luka 21:28

E ka hwân he ka hwâdâ ta je ûnyi eling, bwele thʼ öbun me wâ; anyin ae hakekeny jut he ka omeli öbun.

Roma 8:33

Ie at ame he ka bi fuco hna ûca hnen Khong? Haba Khong thibi at ame haiwisa;

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

I. Thesalonika 3:10

öhmun e hic hwege hnyi lit me lany, mʼ öhmun e he ka wâ je hnyimaköbun, he ka obekhötâ ûnyi ae ca bekhöt bi hnyi anyibun labageju?

II. Thesalonika. 1:6

ame ne ûnyi ae wisa ka Khong he ka bi hwaban vec ka tavat adre me oveci öbun,

I. Timoteo 5:5

Ke haba momo a hing safac kʼ ame hake laba, me ame geju ka Khong, me tethmâ hnyi hic me khöû hnyi lit me lany.

II. Timoteo 1:3

Inya oge me ole ka Khong, waleji oge me huliwa kâu hwân ge je lakibik hnyi oûnykûm sâ ae wisa, a oge me ca menâ ûnykûmi u hnyi hijik je hic hnyi lit me lany

II. Timoteo 2:10

Anyin a wale, inya oge me hokhnyokâ ta je ûnyi hia hobi kâu tavat adre ûca, me me hu minya thö kodra möt a e unyin Keriso Iesu, tha e me hmanenang ame ca ba balua.

Tito 1:1

INYA Paulo athnyabainy Khong, me aposetolo anyi Iesu Keriso, hoton labageju anyin tavat a ûcʼ ödra Khong, me hna wâhmakhmetoâ hnathu hoton hwakecin ae ûcû me Khong,

I. Peteru 1:1

INYA Peteru aposetolo anyi Iesu Keriso, oge me sihnalimen ka ta je atkanyua adre me ve se ka hnyi Poneto, me Galatia, me Kapadokia, me Asia, me Bithunia,

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.

Hna Omanenâ 6:10

ke adre me ha hwegiâ, ka habe, Tabony Than lo, at ae kap me hnathu, ke ne o but kehö u me ca he ka hnö me bi hwaban dröhmun hon tavat adre me laba eang hmeledrany?

Hna Omanenâ 7:15

Anyin a wale ödra but hnyi hnyimakan theron anyin Khong; ke adre me bi athnyabainy hnyi lany me lit hnyi umen uma: ke haba e at ame tabâ theron, me e ame he ka tubi ödra ge umen uma menâ.