Luka 18:32 - Iaai Bible 1901 (New Caledonia)

³² Anyin adre me he ka hna e ka aten ta je hnyei, ke adre me he ka hluma e, me okongoâ, me hangöjâ:

Luka 18:32 ပူးပေါင်းရင်းမြစ်များ

Isaia 50:6

Oge me hna juk ka tavat ûkûc, me li wahicok ka tavat adre me hnimö je leûnen: oge me ca ikhâlâ hnyimakök ge hmehma me ûhangöji.

Isaia 52:14

Ödra se hia adre me uthmâhmâ gam, (adre okongoâ gan hmâ hnyimakan hon hnyimakan tavat hia, ke unyin, hon unyin tavat,)

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Mika 5:1

HLUINY je deo vat lö, u me he walang ang ka ûkhacaköu me me je deo vat: e ame igigili öta hnen vat: kʼ adre me he ka kot wahicen at owisa hnyi Isaraela ge uci.

Mataio 16:21

Hwân ûen e, Iesu ame hwân ka omanenâ ka laten a e ame he ka he Jerusalema ai, me vheno ta je vec ae se hia ûnyi ge wahingat, me ta je taben tavat bihut, me hnyat sihnalimen, kʼ adre me he ka hlingâ, kʼ ame he ka möt hmetu hnyi bong a kuniny.

Mataio 20:19

ke adre me he ka hna e ka Aten je hnyei he ka hluma e, me kot ge osö, me osatauroâ: ke e ame he ka möt hmetu thö hnyi bong a kuniny.

Mataio 22:6

ke haba je kolon adre me kât lathnyabainy, me okongoâ, me hlingâ.

Mataio 26:67

Me adre me hangöjâ hnyimakan me khaû e: ke haba keihen adre me kolop e,

Mataio 27:2

ke adre me ca e, me lelö thö e me hna but e kö Pilato a gavena.

Mareko 14:65

Ke haba keihen adre me hwân he ka hangöjâ e, me lan hnyimakan, me khaû e, me ha kâu, ka habe, Perofeta thö: ke haba ta je athnyaba adre me hom e me khaû.

Mareko 15:1

A HNYOMAKATU but, me ame ie uhnenamö je taben tavat bihut, me wahingat, me hnyat sihnalimen, me tavat ûhnei hia, me adre me cö Iesu, me lelö thö e, me hna but e kö Pilato.

Luka 18:33

ke adre me he ka osoâ, me hlingâ e: ke e ame he ka möt hmetu thö hnyi bong a kuniny. I

Luka 23:1

ME ame todrö tavat hia ae se, me lelö thö kö Pilato.

Luka 23:11

Ke haba Heroda me anyin je soja adre me hmiödra e, me hluma e, me okhavâ e ge ûkhaû ae hmanenang, me kunâ hmetu e kö Pilato.

Luka 23:35

Ke ame utitilen dö tavat me wâ. Ke haba tavat musi adre me hiâ e, me ha, ka habe, A hia but omelö keihen; ke a ne e Keriso a oûnykûminy Khong, e so e ame he ka omelö e bi.

Ioane 18:22

Ke a hia but ha e, me ame khaû e hnen ke at tue, at ame tot hakekenyâ, haingen, ka habe, U me thu helâe kâ taben tavat bihut?

Ioane 18:28

Ke ödrin e lili Iesu thö ûheny unyi Kaiafa ka hnyi uma umen than: ka hnyomakatu but; ke adre me ca hnyi dit ka hnyi uma umen than, wâ adre nye bo kong he ka hnyi an paseka.

Ioane 18:30

Me adre me thu kâu, ka habe, A ne ba monu anyin at ang, ohmun e ca he ka hna köu.

Ioane 18:32

me me hwâdâ hofuc ho Iesu a ha, ame omanenâ bongon imekiny bi.

Ioane 18:35

Pilato ame thu, ka habe, Iny at Juda? Hnen aten em hnyei me je taben tavat bihut hna hnö u könya: ieû u je mâdrâ?

Ta je huliwa 2:23

wale at adre me hna but ûnyi hnyi musi wisa me wâ bânâ hnen Khong, kʼ öbun e hia but osatauroâ me hlingâ hnen hnyamen tavat adre me hanyâûâ hnanyibu:

Ta je huliwa 3:13

Haba Khongu Aberahama, me Isaaka, me Jekob, Khongon lakamöta, ame olungâ Aten a Iesu; waleji öbun e hna but, me ivinoâ hnyi hnyimakö Pilato, ke mou thö gan a gʼ ame he ka hna e.