Luka 18:30 - Iaai Bible 1901 (New Caledonia)

³⁰ me e ame he ka kap ta je ûnyi ae se hia hnyi ûen ang, ke hnyi ûen ame he ka o möt ae ca ba balua.

Luka 18:30 ပူးပေါင်းရင်းမြစ်များ

Jobu 42:10

Ke Iehova ame ohmetu Jobu ûheny hnyi hna bâ, e ka hijö je lahanen: ke Iehova ame ibi olo ham kö Jobu ta je ûnyi waleji ae hu gan ehac a bân.

Salamo 119:103

Shaiba ge hnebwiainy hwâm ta je hofuc hnyi ecngodik! Eke, e hnebwia hon hani hnyi hnyimök.

Salamo 119:111

Oge hia but hom hnâm ta je hna ohnathoâ hnân jekhöûk nyiele balua; Anyin ame osenyinâ hnyekuk.

Salamo 119:127

Anyin a wale inya oge me hnyok ka ânyâm ta je hnanyibu Hon gol, eke, hon gol ae so.

Salamo 119:162

Oge me senyinâ hwâm hofuc, Helâ me at ame hlo omjeû ae gan hmâ adre söh.

Salamo 119:72

E beönua soiny könya hnanyibuiny hnyimâm Hon je thauzan gol me sileva.

Salamo 37:16

E nua ûhnyûkong hna hu hnen at ae wisa hwakecin Hon tang omjehen tavat ae kong.

Mataio 12:32

Ke haba at ame he ka haikongoâ Nokon at, me adre me he ka hna degecâ e; ke haba at ame he ka haikongoâ Hanu Kap, me adre me ca he ka thang degecâ e hnyi möt ang, ke ba minya hnyi möt ame he ka o.

Mataio 4:24

Ke e ame lung igigilo Suria hia thithö: me adre me hom but kâu tavat ae mok hia thithö, wale ame takû ödra ge je ve mok me vec, tavat a delec demoni, me ing, me mat, me e ame omeli ödra.

I. Timoteo 4:8

anyin ae ûhnyûkong troban huliwa hnyi unyin; ke so bi, haba hwakecin helâ me Khong, me bu troban hnyi ta je ûnyi hia thithö, e hu hna ha bânâ hobi kâu möt walang ang, me möt minya bi nyiele.

I. Timoteo 6:6

Ke haba hwakecin outen Khong tha e me hnahic, me wale thibi e omjeû ae gan hwaban:

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.