Luka 18:22 - Iaai Bible 1901 (New Caledonia)

²² Ke a long ut Iesu ûnyi e, me e ame ha kâu, ka habe, Khaca biju ûnyi ae hia gam: ûco thö ânyâm ta je ûnyi hia, me khenâ ka ta je theduoc, ke u me he ka hu tang omjeû hnyi drany: ke aiö u bi, me he hotuk.

Luka 18:22 ပူးပေါင်းရင်းမြစ်များ

Salamo 27:4

Khaca thibi ûnyi oge hia but sumâtâ ga Iehova, kʼ oge me he bala ka elâm e; A oge me he bala ka laba hnyin uma umo Iehova hnyi je bongon hia anyik möt, He ka wâ hmanenangi Iehova, me hnö hnyi umen uma ae kap,

Mataio 19:21

Haba Iesu ame ha kâu, ka habe, A ne wem he ka bekhöt, he thö, ûco thö ânyâm ta je ûnyi, me ham ka tavat ae theduoc, ke u me he ka hu tang omjeû hnyi drany: ke aiö u bi, he hotuk.

Luka 10:42

khaca thibi ûnyi ae ûnyi hnathu: ke haba Maria ame hia but ûca ke keihen ae so, wale a gʼ adre me ca he ka hom hmetu gan.

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 16:9

Ke inya oge me ha köbun, ka habe, Bi hanöbun unyin mamona ae ca wisa; me me ka o obiny, me adre me he ka kop öbun ka hnyi umödra ta je uma a nyiele balua.

Luka 18:21

Ke e ame ha, ka habe, Oge hia but vheno ta je ûnyi e kʼ iny tiga wanakat.

Luka 18:23

E ame long je hofuc e, me ame hmak ut hnyekon, anyin a e tren omjeû ae gan hmâ.

Luka 9:23

Ke e ame ha kodra hia, ka habe, A ne ke at ame weny he ka he hotuk, e so e ame ka hing hokhnyok, me hom anyin satauro hnyi je bong, me he hotuk.

Filipi 3:13

Hnyat me lakeiny lö, oge me ca ûnykûme bi a oge hia but kât: ke khaca thibi ûnyi oge me ânyâ, wale oge me hnying ta je ûnyi waleji eû hnyi hotuk, me hnyimakök hwege ka hnyi ta je ûnyi hnyi hnyimakök,

II. Peteru 3:8

Hnyat a oûnykûmik lö, ca he öbun ka hnying hofuc ang a khaca, ka habe, haba hnyi hnyimakan Than, me bong a khaca helâ me wan thauzan ta je huna, ke haba ta je huna a wan thauzan, me ûcû thibi me bong a khaca.