Luka 18:11 - Iaai Bible 1901 (New Caledonia)

¹¹ Haba Faresaio ame tot me hijö e bi helâng, ka habe, Khong lö, inya oge me ole köu, anyin a iny ca ûcû bi me keihen, a tavat venöu, me hwali hwakecidra, me tavat bi ûnyi monu, kʼ iny ca ûcû minya bi me telona ang.

Luka 18:11 ပူးပေါင်းရင်းမြစ်များ

Salamo 134:1

WÂ bi, haisoi Iehova thʼ öbun, öbun lathnyabai Iehova hia. Tavat öbun e labö tot hnyi uma umo Iehova hnyi je hnyinghet.

Salamo 135:2

Öbun tavat öbun e labö tot hnyi uma umo Iehova, Hnyi je hnyeuleny uma umen Khonguta.

Ta je Vejec 20:6

E se hia tavat adre me ve ha hwakecidra bi ae betenge: Ke ie at ae khana elâm at ae hnathu?

Ta je Vejec 30:12

E hu dö ae ba hnyikongon hnyi hnödra hna ûnykûme bi. Ke adre me ca hneû degecâ ikiki gadra.

Isaia 1:15

Ke öbun ka he ka hinöbeny, me oge me he ka ikhâlâ li emakök gabun: eke, öbun ka he ka osehia hic, me oge me ca he ka long: a unöngöt je hnyamöbun ge dra.

Isaia 58:2

Ke adre me elom nya hnyi je bong, kʼ adre me senyin he ka khanʼ ödra dek je gethen: helâ me hnyei ame ânyâ wisa, me ca hna degecâ je hna otilâ hnen Khongudrin, helâe adre me hnei nya ge hna owisa ae ûcû, adre me senyin he ka hakekeny ka Khong.

Isaia 65:5

tavat adre me ha, ka habe, Tot ut hââng, ca hakekenyi nya anyin a iny kap hom: wale hai hnyi li hnyingöik, ke meic ame hiâ hnyi je bong hia.

Jeremia 2:28

Ke ewa je khongom waleji u je ânyâ hobi köu? Hamödrin he ka tot, a ne khanʼ ödrin he ka omeli u hnyi ûen u me vec hnyin: anyin ae ûcû ûseiny ânyâm je khong, Juda, me ânyâm je lap.

Jeremia 2:35

Ke so bi, u je ha, ka habe, E ba monu gak; e hnathu, e ame ohmeto anyin hmonyin gak, wâ bi, oge me he ka ivino möu, anyin a u je ha, ka habe, Oge ca ânyâ hulo.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Mataio 10:3

ke Filipo, ke Batolomaio, ke Toma, ke Mataio a telona, ke Iakobo nöku Alefaio, ke Thadaio,

Mataio 5:20

Anyin a inya oge me ha köbun, ka habe, A ne ca nua bi hwakecibun ae wisa hon hwakecin ae wisa ge tavat sihnalimen me je Faresaio, öbun e ca he bi ka didro ka hnyi dokhon drany.

Mataio 6:5

Ke öbun ka he ka hic, e so öbun e ca helâ me tavat thoi hnyok: anyin e senem kodra he ka tot me hic hnyi ta je sunago me vheden ta je gethen, me me haisoi ödra hnen tavat. E hnathu inya oge me ha köbun, adre hia but kap hwabödra.

Mareko 11:25

Ke öbun ka he ka tot me hic, öbun e ne hia but ip hnân ge ke at, hna degecâ but, me me he Kamöbun ethö hnyi drany ka hna degecâ hnöbun hna hanyâûâ.

Luka 20:47

ödra adre me walâkâ je uma umen je safac, me hic beû hmâ hnân tube hwakecidra: adre me he ka hu hnaûhango ae gan hmâ.

Luka 22:41

Ke e ame ûsâkâûö mödrin, helâke me hobenyin at; ke e ame cibouca, me hic,

Galatia 3:10

Anyin a haba tavat adre me laba hnyi ta je huliwainy hnanyibu, me ödra but hnyi hmelen hnaûhango: anyin adre hia but sihnalimen, ka habe, E ve hnaûhango but ödra hia adre me ca tethmâ hnyi ta je ûnyi hia thithö adre me sihnalimen hnyi tusiny hnanyibu he ka ânyâ.

Filipi 3:6

ke at ovecâ ekalesia hoton wek ae hwege; ke ba kongik hoton hwakecin ae wisa hnyi hnanyibu.

Hna Omanenâ 3:17

Haingâm, Iny tren ta ûnyi, ke hu omjehek ut, ke ba ke ûnyi ae hia gak; ke ca khanö u bi nakaem, me kong, me theduoc, me wadröu, me he thu: