Luka 17:22 - Iaai Bible 1901 (New Caledonia)

²² Ke e ame ha ka laten, ka habe, Ame he ka o ûen, öbun e he ka weny he ka wâ ke bonginy Nokon at, ke öbun e ca he ka wâ.

Luka 17:22 ပူးပေါင်းရင်းမြစ်များ

Mataio 9:15

Ke haba Iesu ame ha ködrin, ka habe, Hawa, e khana lahanen at a tep faipoipo he ka tenge, e ka tiga e unyidrin at a tep faipoipo? ke ame he ka o je bong me adre me he ka hom dö gadrin at a tep faipoipo, me wale ûen ödrin e he ka ânyâ hnyin ca han.

Mareko 2:20

Ke ame he ka o ûen he ka hom gadra at a tep faipoipo, me wale but e ûen adre me he bi ka ânyâ hnyin ca han.

Luka 13:35

Wâ bi, adre hia but hna degecâ umöbun uma: ke inya oge me ha köbun, Öbun e ca he hmetu ka ō nya, ke ne o but öbun e he ka ha, ka habe, Hnen hnahic at ame o but hnyi ien Than.

Luka 5:35

Ke ame he ka o je bong, me adre me he ka hom dö at a tep faipoipo, wale but e ûen ödrin e he ka ânyâ hnyin ca han.

Ioane 12:35

Haba Iesu ame ha kodra, ka habe, E okhulit biju melam unyibun. He thö e me tiga e unyibun melam, wâ e nye o but köbun lit: haba at ame he hnyi lit, me ca khana dok e ame he ka hnyin.

Ioane 13:33

Lakuk lö, e ca beû biju ûök unyibun. Öbun e he ka elöm nya: ke haba hnok hna ha ka at Juda, me oge me ha minya walang ang köbun, ka habe, E ca khanʼ öbun he ka he ka hnyi dok oge me he ka hnyin.