Luka 17:20 - Iaai Bible 1901 (New Caledonia)

²⁰ Ke a hia but ta je Faresaio hnö e ge ûen ame he ka o hnyin dokhu dokhon Khong, me e ame thu ködrin, ka habe, A ca e bi dokhu dokhon Khong me hnân wâ:

Luka 17:20 ပူးပေါင်းရင်းမြစ်များ

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Luka 10:11

Haba kânâiny anyibun taun wale ame kece ka hnyi je hnyeûcahmun, me ohmun e kot ut köbun: ke so bi, khanʼ öbun dö ûnyi ang, ae hakekeny jut dokhu dokhon Khong.

Luka 14:1

KE e ame didro ka hnyi uma umen ke taben ta je Faresaio hnyi sabath he ka han, ke adre me tuö e.

Luka 16:16

Ke ne o but kö Ioane hnanyibu me ta je perofeta: hwaban ûen eling adre me khetâ dokhu dokhon Khong, ke ame hwege didro ka hnyin tavat hia.

Luka 19:11

Ke adre me tiga long ta je ûnyi eling, e ame bihanen ta je hofuc me ha ke ûhöûcû, anyin a e ame hakekenyâ Jerusalema, ke can minya adre me ûnykûme ame he ka ie manen dut dokhu dokhon Khong.

Ioane 18:36

Iesu ame thu, ka habe, Ca ûnyi eang hmeledrany dökhuk dokhu: a ne ûnyi eang hmeledrany dökhuk dokhu, ame ne he lathnyabaik ka vat, mʼ adre me ca he ka hnö nya ka at Juda: ke walang ang ca ûnyi ang dökhuk dokhu.