Luka 17:2 - Iaai Bible 1901 (New Caledonia)

² E hâhâ kâu he ka vekiny hnyi hwagenyin veto hnân oamamâ, me he ka öûâ but e eû hnyi köiö, ke e hmak kâu ame ne he ka bi joniny ke at ae ûhnyûkong eang.

Luka 17:2 ပူးပေါင်းရင်းမြစ်များ

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Mataio 17:27

Ke so bi wâ otin nye osauʼ ödra, he thö hnyiköiöai, me khûâ but wage, me lelö thö wâ a bân ka wadring ka hnyin; ke u ka hia but khong hnyimen, u me he ka wâ khaca sekel: hom dö e, me ham ködrin hnân hobi köu mʼ önya.

Mataio 18:10

Wâ eâu öbun nye hûkötiâ ke at ae ûhnyûkong eang; anyin a inya oge me ha köbun, haba anyidrin ta je angela ethö hnyi drany adre me wâ bala hnyimakan Kamök ethö hnyi drany.

Mataio 18:14

Ke helâe e ca weny Kamöbun ethö hnyi drany, a gʼ ame he ka hia ke at eang ae ûhnyûkong.

Mataio 26:24

Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.

Mareko 9:42

Ke haba at ame he ka othöâ thö ke at ae ûhnyûkong eang ame labageju könya, me so kâu adre ne öhvekinyâ hnyi hwagenyin veto hnân oamamâ, me khûâ but kâû ka hnyi köiö.

Ioane 21:15

Ke ödrin e hia but han haba Iesu ame ha kö Simona Peteru, ka habe, Simona nöku Jona, u me hnyok könya hon hnyat ang? Haingen kâu, ka habe, E, Than; u me wâ a inya oge me hnyok köu, E ame ha kâu, ka habe, Hûn bi ju halek je arenio.

I. Korinito 9:15

Ke oge me ca hnyi ânyâ ke ûnyi hnyi ta je ûnyi e: ke oge me ca sihnalimen minya ta je ûnyi eang, mʼ adre me he ka ânyâ helâe könya: anyin ae so oge me he ka mok, ke kong e he ke at ka oûnyibâûâ hnok hna hobeluâ.

I. Korinito 9:22

Inya helâ me at ae sēnyin ka tavat a ödra sēnyin, me me hmehmelö nya tavat a ödrin sēnyin: oge me hnyi hom ta je hwakecin hia ka tavat hia, me inye hwege thö he ka omelö keihen.