Luka 17:1 - Iaai Bible 1901 (New Caledonia)

¹ E AME ha ka laten, ka habe, E ca khana he ka ca o ta je ûjejöng: ke ekölö ge at ame bi deny ûnyi eling!

Luka 17:1 ပူးပေါင်းရင်းမြစ်များ

Mataio 16:23

Ke e ame hwio thö me ha kö Peteru, ka habe, Satana lö, he thö ka hnyi hotuk: u at ame bijönik: anyin u je ca ûnykûme ge ta je ûnyi anyin Khong, ke ta je ûnyi thibi anyin at.

Mataio 18:7

Ekölö ge hmeledrany anyin ae hu ta je hna bi joniny! anyin ae ûnyi hnathu he ka oâ ta je hna bijoniny: ke ekölö ge at ame be ka oâ ta je hna bijoniny!

Luka 16:31

Me haingen kâu, ka habe, Ödrin e ne ca ling Mose me je perofeta, me ödrin e ca he ka hmehmela e ka möt hmetu thö ke at ûnyi hnyi hna mok.

Roma 14:13

Anyin a wale ca he hmetu ota ka ûûnykûmköu: ke so bi he ka ûnykûme ûnyi thibi ang, a ca he ke at ka ip hnân othöâ, ame ne ke ûnyi hnân ovhelâ liamekeiny.

Roma 16:17

Inya oge me sumat Öbun hnyat me lakeiny, möbun e wâhmakhmetu ödra ju, waleji a tavat adre me okûâ imouköu me hnân öthöâ, wale ta je hwakecin ae ca ûcû bi me hnobun hna ûne: ke ûsâkâû mödrae

I. Korinito 10:32

Ca he öbun ka bi joniny ka at Juda, me at Heleni, me ekalesia anyin Khong:

I. Korinito 11:19

Anyin ama he ka hu je imouköu unyibun, me me manen dut tavat ae hnathu gabun.

I. Korinito 8:13

Anyin a wale, e ka haû liamekeiny mönya ge jeû, awe, oge me ca he bi nya ka han utiö nyiele balua, wâ oge nye ohaûâ liamekeiny mönya.

I. Timoteo 4:1

KE ame ha manenâ hnen Hanu, ka habe, ame he keihen ka hna degecâ labageju, hnyi je ûen a biliny, adre me he ka löng ta je hanu adre me omono me ta je hna ûnö anyin je demoni,

Hna Omanenâ 2:14

Ke e hu gak ke ta je ûnyi gam, anyin ae hu but unyâm keihen tavat adre me kât hna ûne anyi Balaama, waleji at ame nâ kö Balaka he ka ip ûnyi hnân othoâ hnyi hnyimakan Isaraela, waleji he ka an ta je ûnyi adre hudo ka ta je hnatheat, me he ka bi ûnyi monu.

Hna Omanenâ 2:20

Ke so bi e hu but gak ûnyi eang gam, a u je hna ka momo jia Jezebela, at ame ha ka habe, e perofeta momo; ke e ame ûne me cubec je atök he ka bi ûnyi monu me hnyi an je hna hudo ka ta je hnatheat.