Luka 16:9 - Iaai Bible 1901 (New Caledonia)

⁹ Ke inya oge me ha köbun, ka habe, Bi hanöbun unyin mamona ae ca wisa; me me ka o obiny, me adre me he ka kop öbun ka hnyi umödra ta je uma a nyiele balua.

Luka 16:9 ပူးပေါင်းရင်းမြစ်များ

Salamo 73:26

E sënyin dut unyik me hnyekuk: Khong thibi kicin hnyekuk me jekhöûk nyiele balua.

Ta je Vejec 14:24

Haba tang omjehen tavat ae wisa, me anyidra korona: Ke haba hwen monu anyin tavat ae monu, me ka hwen monu bi.

Ta je Vejec 19:17

Haba at ame betenge ge at ae theduoc, me ame më ham kö Iehova, Ke e ame he ka bi hwaban hnen hna ânyâ ae so.

Ta je Vejec 23:5

Hawa, u me he ka wâ hmâ ûnyi ae ba önyen? Anyin a haba je omjeû, me ame labö bi labenyin, Helâ me aeto at ame gâ dranyai.

At Khet 11:1

KHÛÂ but ânyâm areto ka hnyi hon du: anyin a u me he ka wâ hmetu hwaban je bong ae se hia.

Isaia 57:16

Anyin oge me ca he ka ivino ke ne o but nyiele balua, ke oge me ca he bala ka hmonyin: anyin ame he ka ta sēnyin hnyok hnyi hnyimakök, me hanu o ge op.

Daniela 4:27

Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Mataio 19:21

Haba Iesu ame ha kâu, ka habe, A ne wem he ka bekhöt, he thö, ûco thö ânyâm ta je ûnyi, me ham ka tavat ae theduoc, ke u me he ka hu tang omjeû hnyi drany: ke aiö u bi, he hotuk.

Mataio 6:19

Ca ip hobi köbun tang omjeû eang hmeledrany, ae hu nokon walelaba me viiny he ka ohia, wale dok ae hu at venöu hnyin adre me he ka kia me venâu:

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 14:14

ke adre me he ka ohnahici u; anyin ae ca hu gadra ûnyi he ka bi hwaban hmetu köu: anyin adre me he ka bi hwaban köu hnyi ûen möt hmetu a tavat ae wisa hwakecidra.

Luka 16:11

Anyin a wale, öbun e ne ca hnathu hnyi mamona anyin hwakecin ae ca wisa, me ie at ame he ka ip köbun hing tang omjeû?

Luka 16:13

E ba athnyaba ae khana he ka bi athnyabainy li at: anyin a e ame he ka hociâ khaca, me hnyok ka khaca; ke ame ne he ka keci ka khaca me hukötiâ khaca. E ca khanʼ öbun he ka bi athnyabainy Khong me mamona.

Luka 16:4

E mou but ûnyi oge me he ka ânyâ, mʼ adre me kop nya ka hnyi umödra je uma, at ka hia but obö nya ûnyi hnyi hanymök.

Ta je huliwa 10:31

kʼ ame ha, ka habe, Konelio lö, adre hia but long hijâm hic, ke adre hia but ûnykûme hnâm je hna betenge hnyi hnyimakan Khong.

Ta je huliwa 10:4

Ke e ame wâ hmâ e, me ame ot me ha, ka habe, Than lö ieû? Me haingen ame ha kâu, ka habe, A o but hijâm je hic me hnâm je hna betenge hnyi hnyimakan Khong hnân oûnykûmeâ.

II. Korinito 4:17

Anyin a haba anyihmun vec ae hâhâ, wale ame ie hia, ame huliwan gan hmâ tot hobi kohmun hmanenang ae hmak ke nyiele balua;

Juda 1:21

ke tuʼ öbun ju hnyi ibetengiö anyin Khong, ke halubahingen ju öbun ibetengiö baû anyin Tuhöta Iesu Keriso, ke ne o but ka hnyi möt ame ca ba balua.