Luka 16:8 - Iaai Bible 1901 (New Caledonia)

⁸ Ke haba than ame haisoâ athnyabainy ae ca wisa, anyin a e ame ânyâ metâ: anyin ae metâ but aten hmeledrany unyin anyidra dö hon tavat a aten melam.

Luka 16:8 ပူးပေါင်းရင်းမြစ်များ

Genese 3:1

E e khana he ka bibihwakeoin hnen on, hon ta je menoiny hnyot hia, I hnö Iehova Khong hna op. Haba e ame I ha ka momo ka habe. Hawa, a um dö ha Khong, ka habe, Öbu ma ca he ka han ûnyi hnyi ta je ûö hia thithö hnyi hnyei?

II. Samuela 13:3

Ke e hu ihumi Aminona, Jonadaba ien, nöku Simea, liamekeiny me Davita: ke at metâ Jonadaba.

II. Je Than 10:19

Anyin a wale, hawâ thö könya je perofeta anyi Baala hia thithö, me lathnyabainy hia, me tavat bi hut hia kâu; e so e he ka ca hia ke at a khaca, anyin ae hu gak hut ae gan kö Baala; ame ca he ka möt bi at ame hia. Haba Jehu ame ânyâ iyawâ e, me me he ka ohia lathnyabai Baala.

Salamo 17:14

Iehova lö, omeli nya thö ûnyi ge tavat hnen hnyamâm, Ûnyi ge aten hmeledrany, tavat tren jekhoû hnyi möt ang, U je öunöngötâ je tang tidra ge tang omjehem: Adre sekudra but je lakudrin, Ke adre me hna kolon ge anyidrin ta je ûnyi ka lakudrin je mendring.

Esodo 1:10

ai öbun, ötin e he ka ânyâ metâ ködra; wâ adre nye se but, ke ame ne o thö vat, me adre me he ka utut ka ta je iwahnaihmiöny niötin, me tet metâ köta, me kec ûnyi hnyi hnyei.

Ta je Vejec 12:8

Adre me he ka haisoâ at hoton anyin metâ: Kʼ adre me he ka hûkotiâ at ae hwali hnyekon.

Mataio 12:32

Ke haba at ame he ka haikongoâ Nokon at, me adre me he ka hna degecâ e; ke haba at ame he ka haikongoâ Hanu Kap, me adre me ca he ka thang degecâ e hnyi möt ang, ke ba minya hnyi möt ame he ka o.

Mataio 17:26

Haingen ame ha, ka habe, Ûnyi ge je atkanyua: me Iesu ame ha kâu, ka habe, Awe adre hna bâûâ lakon.

Luka 16:10

Haba at ame hnathu hnyi ûnyi ae ûhnyûkong hmonyin, me e ame hnathu minya bi hnyi ûnyi ae gan: ke haba at ae ca wisa hnyi ûnyi ae ûhnyûkong, me ca wisa minya bi hnyi ûnyi ae gan.

Luka 16:4

E mou but ûnyi oge me he ka ânyâ, mʼ adre me kop nya ka hnyi umödra je uma, at ka hia but obö nya ûnyi hnyi hanymök.

Luka 16:7

Ke e ame ha ka ke at, ka habe, Ve ta gufa gam? Haingen, ka habe, Wan haded ta je koriny hwit. Me e ame ha kâu, ka habe, Hom dö hna sihnalimâm me sihnalimen ju eite.

Luka 18:6

Haba Than ame ha, ka habe, Long ju öbun hna ha hnen at owisa ae hwali hwakecin.

Luka 20:34

Ke haba Iesu ame thu ködrin, ka habe, Haba tavat eang hmelen, me adre me faipoipo, me ûham ta momo:

Luka 20:35

ke haba tavat a ödra ûcû he ka he ka hnyi möt eling, ke he ka möt hmetu ûhedra hnyi hna mok, me adre me ca he bi ka faipoipo me ûham ta momo:

Ioane 12:36

Kap ju melam e me tiga e unyibun melam, mʼ öbun e lakon melam bi. Iesu ame ha hofuc e, me ame he but, kʼ ame labö duöng gadra.

I. Korinito 3:18

Ca he ke at ka hamen iyawâ e bi. A ne hu ke at unyibun ame ka ûnykûme a e at ae metâ eang hmeledrany, me so e ame he ka monu, me me metâ but.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

I. Thesalonika 5:5

anyin a öbun hia thithö je lakon melam, me lakon lany: ca öta bi hanen lit me menekholom;

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.