Luka 16:26 - Iaai Bible 1901 (New Caledonia)

²⁶ Ke ca hake wale thibi e, ke adre me ip hmâ uthankong hnyigöulöhmun mʼ öbun, wale me ca khana tavat adre me behe köbun ûhedra ang he ka hanyâûâ, ke ca khana tavat gadra adre me behe kohmun he ka hanyâûâ.

Luka 16:26 ပူးပေါင်းရင်းမြစ်များ

Salamo 49:14

Adre me ip ödra a hnahat hobi kâu hedis; Kʼ ame tuʼ ödra ge mok, helâke at tuö mamoe: Ame he tavat ae wisa ka musi ödra hnyi haolany; Kʼ ame he anyidra hmanenang ka bi obiny hnyi hedis, me me ba umen bi e.

Salamo 50:22

Tavat öbun e hnying Khong lö, ûnykûme ju öbun ang, Wâ oge nye he ka kiʼ öbun, ke ba at he ka omelo:

Ezekiela 28:24

Ke ame ca he hmetu lap anyi Isaraela ka hu iwadekong ame dâ ke ûdö ae ocen ûnyi gadra igigili ödra, wale hnyat hûköti ödra; ke adre me he ka wâ a inya Than Iehova.

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Luka 12:59

Inya oge me ha köu, u me ca he ka dit ûhem e, ke ne o but u me ham je ong mone hia.

Luka 16:25

Ke haingö Aberahama, ka habe, Nokuk, ûnykûme ju a gʼ ame hu köu ânyâm ta je ûnyi ae so hnyi ânyâm möt, ke Lazaro thibiji ae kong anyin ta je ûnyi: ke walang ang e ame senyin, me u me vec biju.

Luka 16:27

Me e ame ha, ka habe, Cica lö, inya oge me khöû köu, mʼ u me kunâ e ka hnyi hnyaba cica;

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.

Hna Omanenâ 22:11

Haba at ae ca wisa, me ame he bala bi ka ca wisa: ke haba at ae ikiki, me ame he bala bi ka ikiki: ke haba at ae wisa, me ame he bala bi ka ânyâ wisa: ke haba at ae kap, me adre me he bala bi ka okabâ.

I. Samuela 25:36

Ke Abigaila ame o kö Nabala, ke wâ bi, e ame ânyâ bijeû hnyi umen uma, helâ me bijeû anyin than; ke Nabala ame senyin hnyi hnyekon, ke ti monu a ga ic: anyin a wale momo ame ca thumeto e ge ke ûnyi ame ne ûhnyûkong ame ne gan ke ne o but hnyi lany hnyomakatu.