Luka 16:23 - Iaai Bible 1901 (New Caledonia)

²³ Ke e ame vec hnyi Hedis, me bwele goranyai, me ame ō Aberahama hnyi dok ae sâkâû, me Lazaro minya hyni ûlainy.

Luka 16:23 ပူးပေါင်းရင်းမြစ်များ

Salamo 16:10

Anyin a u me ca he ka hna but hanuk ka hnyi hedis; Ke u me ca he ka hna degecâ atâm ae kap he ka wâ hna bobot.

Salamo 49:15

Ke ame he Khong ka omelo hanuk ûnyi hnyi man maniny hedis: Anyin a e ame he ka kop nya. [Sela.

Salamo 86:13

Anyin ae gan hmâ ânyâm betenge könya: Ke u je hia but thang hanuk ûnyi hnyi erkemok ae dit hmonyin.

Salamo 9:17

Ame be tavat ae kong ka hmetu ka hnyi hedis, Wale ta je hnyei hia adre me hnying Khong.

Ta je Vejec 15:24

Ame ölö goranyai gethen deny möt, ka tavat ae metâ, Me me kec ge hedis eû.

Ta je Vejec 5:5

Ke ame utut li can ka hnyi mok; Kʼ ame kât hmâ hedis hnen je hna okca;

Ta je Vejec 7:27

Gethen ame he hedis ai umen uma, Ame ihnyöng ka hnyi je hnyeuleny mok.

Ta je Vejec 9:18

Ke e ca khana a wale hnen ta je komok; Me haba tavat adre me më laba hnyi umen uma walʼ ödra bi hnyi je dok a diliny hedis.

Isaia 14:15

Ke so bi adre me he ka ohnyikânâi u hedis ai, ka hnyi ûdiliny thop.

Isaia 14:9

Ama bwebwet ut hedis eû gam he ka ûkhanö möu, u ka dit ka hnyin: e ame bwebwelâ je komok gam, a je taben hnyei hia; e ame otilâ je thaniny hia hmeledrany ûnyi hnyi anyidra je theron.

Mataio 11:23

Ke haba u Kaperenauma, hawa, adre me he ka ogoranyi u ka hnyi drany? adre me he bi ka ohnyikönö u ka hnyi Hedis: anyin adre ne hia but ânyâ hnyi Sodoma ta je huliwa ae man adre me ânyâ unyâm, ame ne he ka tethmâ ke ne o but hnyi bong ang.

Mataio 18:9

Ke a ne bi jönâm emâkâm, ûâ degecâ thö gam: ke so köu he ka didro ka hnyi möt a khaca biju emâkâm, hon he ka tha hu li ecmak, me adre me he ka khûö u ka hnyi meiciny gena.

Mataio 23:33

Öbun je on lö, ke lakon je vaipa, öbun e he ka kâmâu ka kec ge hnaûhangöiny gena?

Mataio 5:22

ke inya oge me ha köbun, ka habe, haba at ame hmonyin ka liamekeiny mē ke ba can, me ûcû he ka owisa e; ke haba at ame he ka ha ka liamekeiny mê, i ka habe, Raka, e ûcû he ka hno e hnen tavat ûhnenamö; ke haba at ame he ka ha, ka habe, Mori, me ûcû kâu meicin gena.

Mataio 5:29

Ke a ne bi jönâm emâkâm a metâm, ûâ degecâ thö e: anyin ae so köu he ka hia ke outh unyâm, ke kong bi he ka khûâ hia unyâm hnyi gena.

Mataio 8:29

Ke wâ bi ödru me kuku goranyai, me ha, ka habe, Ieû gam köhmu Iesu a Nokon Khong? u je o but ang he ka oveci ohmu, ke tiga ca ûen bi?

Luka 16:24

Ke e ame hongot me ha, ka habe, Cica Aberahama lö, betenge ju gak, ö u me kunö Lazaro, me me he ka hûlûlûâ ban banyen hnyi köiö, he ka okatebo bohmök; anyin a oge me vec gan hmâ hnyi meic ang.

Luka 16:28

anyin ae hu je liamekeiny mönya a faiv; me me he ka ohnathoâ ködrin, wâ ödrin nye hnyi he jem ka hnyi dok ang ae vec.

Luka 8:28

Ke e ame ö Iesu, me e ame hongot me ta ju hnyi hnyimakan me ha hwegiâ, ka habe, Ieû u me he ka ânyâ könya Iesu a Nokon Khong ae Beönua? Inya oge me khöû köu, ca oveci nya.

I. Korinito 15:55

Mok lö, ewa dokhom dokhu? Mok lö, ewa ûdö gam?

II. Peteru 2:4

Anyin ame ne ca betenge Khong ge ta je angela hnyi ûen adre me ânyâ hulo, ke e ame khû ödra ju hnyi gena, kʼ ame hnʼ ödra but ka hnyi je thop ao menekholom, he ka tuʼ ödra ke ne o but hnyi ûhnei;

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.