Luka 16:22 - Iaai Bible 1901 (New Caledonia)

²² Me ame mokcu at sumat, me ame hom dö e ta je angela ka hnyi ûlai Aberahama: ke ame mok minya ju at ae tren onjeû, me adre me konâm but.

Luka 16:22 ပူးပေါင်းရင်းမြစ်များ

Jobu 21:13

Ödrin e laba sot hnyi bongudrin je bong, Me utut ka hnyi erkemok helâ me thuthubademak.

Ta je Vejec 14:32

Adre hagutâ hnyikânâi at ae kong hnyi anyin monu: Ke haba at ae wisa, me hu gejon hnyi anyin mok.

At Khet 8:10

Me oge me wâ minya tavat ae kong adre konâm, kʼ adre me o but ka hnyi erkemok; ke haba tavat adre hia but ânyâ so me adre me he but ûnyi hnyi dok ae kap, kʼ adre me hnying ödra hnyi taun: wale ke thatûnyi.

Isaia 14:18

Haba je thaniny hia ta je hnyei, ödra hia thithö adre me ve mokut hnyi hmanenang hnyi umödra bi je uma.

Isaia 22:16

Ieû u je ânyâ eang? ke ie at e unyâm, anyin a u me thu op hnân erkemok? u je thu opiny erkemok ethö hobi kâu, me kave umen bi hnyi kic!

Mataio 18:10

Wâ eâu öbun nye hûkötiâ ke at ae ûhnyûkong eang; anyin a inya oge me ha köbun, haba anyidrin ta je angela ethö hnyi drany adre me wâ bala hnyimakan Kamök ethö hnyi drany.

Mataio 24:31

Ke e ame he ka kunâ anyin ta je angela me ifucin khoto ame mea, me adre me he ka ûkhacaköuâ thö hnen ta je hna ûca ûnyi hnyi je ang a vak, hwân hnyi ke can drany ke ne o but ka hnyi ke can.

Mataio 8:11

Ke inya oge me ha köbun, ka habe, E se hia tavat adre me he ka he ûhedra jimeyö me jimeû he ka tha laba me Aberahama, me Isaaka, me Jekob, hnyi dökhu hnyi drany:

Mareko 8:36

Anyin a ieû troban ka at ame ne hom hmeledrany hia me me anyin bi, kʼ ame he bi ka hna but anyin möt?

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Luka 16:21

ke e ame weny he ka an je kolon ame kölu ûnyi hnyi hon laulau anyin at ae tren omjeû; eke, ame labö o ta je kuli he ka drem hnân ta je anyû.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 13:23

Ke wale ke aten ame laba hnyi ûlai Iesu, ame hnyok kâu Iesu.

Ioane 21:20

Peteru ame hwio thö me wâ aten ame hnyok kâu Iesu, ame he hoton, waleji at ame laba hnyi ûlainy hnyi ûen han, me ha, ka habe, Taböny Than ie at ame he ka alecuo u?

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

Iakobo 1:11

Anyin ame uto seûno me ang ae kahwa hömnyin; me ame ie meleca thö önying, me ame kolu but vongon, ke ame hia but hmanenanginy; ke helâe ame he ka hia at tren omjeû hnyi deny ta je gethen.

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

Hna Omanenâ 14:13

Ke oge me löng hofuc ûnyi hnyi drany ame ha könya, ka habe, Sihnalimen ju, ka habe, Hnahic hnen wamok, tavat adre me mok unyin Than hwân walang ang: eke, ame ha Hanu, mʼ adre me menâ thö ûnyi hnyi anyidra ta je huliwa; anyin ame tha hnu hotudra anyidra ta je huliwa.