Luka 16:2 - Iaai Bible 1901 (New Caledonia)

² Ke e ame hawâ me ha kâu, ka habe, Ieû e oge me long gam? ha thö bongon hnâm hna tuö; anyin a u me ca he hmetu bi ka tuö.

Luka 16:2 ပူးပေါင်းရင်းမြစ်များ

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

Mataio 12:36

Ke inya oge me ha köbun, a haba ta je hofuc baû hia ame ha hnen at, me adre me he ka ha hmetu hnyi bong owisa.

Mataio 20:8

Ke hnyi hauhaotreng, haba tuhan vine ame ba ka homakan huliwa, ka habe, Hawâ thö tavat huliwa me ham kodra hwaban, hwân ge tavat a bilidra ke ne o but ka tavat a bödra.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Luka 12:42

Haba Than ame ha, ka habe, Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû a jekhöûdrin hnyi ûen?

Luka 16:1

KE haingen minya ka laten, ka habe, Wale ke at ae tren omjeû, ae hu athnyabainy a at tue; ke adre me bi fuco e ka tuhan a gʼ ame khâlâdrenâ anyin ta je ûnyi.

Luka 16:3

Ke haingen at tue eû hnyi hnyekon, ka habe, Oge ma kâmâu anyin ame he but tuhok ka hûgûnâ hany-mök? E ba tang hwegiök he ka hiny kânâ, kʼ iny hmehma bi he ka sumat.

Roma 14:12

Waleling mate me he hia ka ve ha hwakecita ka Khong.

I. Korinito 1:11

Anyin a haba tavat hnyi hnyaba Keloe, me ödrin e hia but hai öbun könya, a gʼ ame iwatretra öbun.

I. Korinito 4:2

Ke haba khaca, hamen tavat walang adre me tuö omjeû he ka ve hnathu.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

I. Timoteo 4:14

Ca he ka oûnyibâûâ hnödra hna ham köu, waleji adre ham köu ge hna perofeta me hna ip hnyam hnen wahingat.

I. Timoteo 5:24

Ame manen dut hulo anyin keihen, me ame bödra ka hnyi hna owisa; ke ame hnu hotudrin ta je hulo anyin keihen.

I. Peteru 4:10

helâ me hna ve kap bwihlany, e so he ka ûhuliwaköu, helâ me tavat tuö soâ ibetengiö baû anyin Khong ae se hia bongon;

I. Peteru 4:5

ke adre me he ka ve ha hwakecidra bi kâu at ame he ka hnö tavat ae möt me tavat ae mok.

Hna Omanenâ 20:12

Ke oge me wâ wamok, tavat ae gan me tavat ae ûhnyûkong adre me ûtitilen hnyi hnyimakan theron; me adre me khong ut je tusi, ke adre khong ke tusi bi a wale tusiny möt: me adre me hnö wamok ge ta je ûnyi adre sihnalimen hnyi je tusi, hoton anyidra ta je huliwa.