Luka 16:16 - Iaai Bible 1901 (New Caledonia)

¹⁶ Ke ne o but kö Ioane hnanyibu me ta je perofeta: hwaban ûen eling adre me khetâ dokhu dokhon Khong, ke ame hwege didro ka hnyin tavat hia.

Luka 16:16 ပူးပေါင်းရင်းမြစ်များ

Mataio 10:7

Ke haba hnyi ûhebun, khetâ thö me ha, ka habe, E hakekeny jut dokhon drany.

Mataio 15:11

Ca ûnyi bi ame dit ka hnyi hnyem ame okongoâ at; ke so bi ûnyi ame didrut ûnyi hnyi hnyem, wale bi e ame okongoâ at.

Mataio 21:32

Anyin a Ioane ame o but köbun hnyi deny hwakecin ae wisa, ke öbun e ca geju kâu: ke ame labageju kâu hnen ta je telona me ta je momo hnyi gethen: ke öbun e wâ thibi, öbun e ca ietra hwaban, mʼ öbun e he ka labageju kâu.

Mataio 3:2

haingen ka habe, Ietra ju öbun; anyin ae hakekeny jut dokhon drany

Mataio 4:17

Hwân hnyi ûen e, Iesu ame hwân he ka khetâ me ha, ka habe, Ietra ju öbun; anyin ae hakekeny jut dokhon drany.

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mareko 1:14

Ke hwaban hna cö Ioane, Iesu ame o hnyi Galelaia, ame khetâ ûthumetu ae so anyin Khong, ka habe,

Mareko 1:45

Ke e ame didrut, me hwân he ka khetâ me olungâ, me omanenâ ûnyi e, me ca khana hmetu Iesu he ka he manen ka hnyi taun, me e ame laba ju hnyije dok ae ba aten: ke adre me ve o kâu ûhedra hnyi je ke keihen hia.

Luka 10:11

Haba kânâiny anyibun taun wale ame kece ka hnyi je hnyeûcahmun, me ohmun e kot ut köbun: ke so bi, khanʼ öbun dö ûnyi ang, ae hakekeny jut dokhu dokhon Khong.

Luka 10:9

ke omelö tavat eling ae hu mok gadra, ke ha kodra, ka habe, E hakekeny jut köbun dokhu dokhon Khong.

Luka 16:29

Ke haingö Aberahama kâu, ka habe, E hu Mose me je perofeta unyidrin; hamödrin he ka ling Ödrin.

Luka 16:31

Me haingen kâu, ka habe, Ödrin e ne ca ling Mose me je perofeta, me ödrin e ca he ka hmehmela e ka möt hmetu thö ke at ûnyi hnyi hna mok.

Luka 9:2

Me e ame kunʼ ödrin he ka khetâ dokhu dokhon Khong, me he ka omelö tavat ae hu mok gadra.

Ioane 1:45

Filipo ame ō Nathaniela, me e ame ha kâu, ka habe, Ohmun e wâ but hna sihnalimen hnö Mose hnyi hnanyibu me ta je perofeta minya, wale Iesu at Nazareta, nöku Josefa.

Ioane 11:48

Ate ne he ka hna e helâe, me ame he tavat hia ka lababeju kâu: me ame he ka o at Roma bi ka hûgûnâ hnöta me ita minya hnyei.

Ioane 12:19

Anyin a wale haba ta je Faresaio adre me ûhnenamököuâ, ka habe, Wâ bi, a gʼ ame ca tubun: wâ bi, ame he hoton hmeledrany hia.

Ta je huliwa 3:18

Ke haba Khong ame ohwâdâ hofuc e ame bân ka ha a deny anyin ta je perofeta hia, wale a gʼ ame he Keriso ka hom vec.