Luka 16:1 - Iaai Bible 1901 (New Caledonia)

¹ KE haingen minya ka laten, ka habe, Wale ke at ae tren omjeû, ae hu athnyabainy a at tue; ke adre me bi fuco e ka tuhan a gʼ ame khâlâdrenâ anyin ta je ûnyi.

Luka 16:1 ပူးပေါင်းရင်းမြစ်များ

Genese 15:2

Ke haingö Aberama, ka habe, Than Iehova lö, ie ûnyi u me he kahna könya, ke inya ang at ae ba nokon, ke haba at ame he ka hwö hwabök hnyi hnya-bak, me, Eliezera at Damaseko?

Genese 43:19

Kʼ ödrin e he ka at ame tuö hnyaba Josefa, me ûhuenamö më hnyi hwanumen uma,

I. Man Ûlabainy Je Than. 28:1

KE haba Davita ame ûkhacaköuâ ta je taben at Isaraela hia hnyi Jerusalema, a je taben je tribu, me je taben tavat bi huliwa ka than adre ve khenâ, me je taben thauzan, me je taben haded, me hnyat muso je ûnyi me omjehen than me lakon, tha ödrin me je eunuka, me tavat ae hwege, wale je hnyat hia ae hwege.

Ta je Vejec 18:9

Haba at ame bec hnyi anyin bi huliwa, E liamekeiny me at ame okongoâ.

Hosea 2:8

Anyin ae ca khana bi momo a oge me ham kâu hwit, me waina, me wakaco, me osehia kâu sileva, me gol, wale ödrin e bi Baala kâu.

Mataio 20:8

Ke hnyi hauhaotreng, haba tuhan vine ame ba ka homakan huliwa, ka habe, Hawâ thö tavat huliwa me ham kodra hwaban, hwân ge tavat a bilidra ke ne o but ka tavat a bödra.

Luka 12:42

Haba Than ame ha, ka habe, Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû a jekhöûdrin hnyi ûen?

Luka 15:13

Ke tiga ca se hia bong hwaban e, haba wakeiat ame ûkhacaköuâ anyin ta je ûnyi hia, me he ka hnyi ke hnyei ae sâkâû; me e ame dedegec eling tang omjehen ge hwakecin ae khâlâdren.

Luka 15:30

ke ame hap o ju nokom eang, at ame ohia ânyâm ta je ûnyi ka omomo hnyi gethen, me u je hia but hlingâ hobi kâu nokon kau ae pipikhenya.

Luka 16:19

E hu ke at ae tren omjeû, ke e ame khavâ ûkhaû ae dra me mano lino, kʼ ame manenang hnyi ta je bong hia:

Luka 16:2

Ke e ame hawâ me ha kâu, ka habe, Ieû e oge me long gam? ha thö bongon hnâm hna tuö; anyin a u me ca he hmetu bi ka tuö.

Luka 19:20

Ke ame o minya but ke at me ha, ka habe, Than lö, wâ bi ânyâm mina, waleji oge me tuö me lan hnyi ecmano:

Luka 8:3

me Joana öiö Khuza, at ame tuö hnyaban Heroda, me Susana, me keihen minya ae se hia, hnyat adre me haomjehen ûnyi hnyi anyidra ta je ûnyi.

Tito 1:7

Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;

Iakobo 4:3

Öbun e sumâtâ ke ca hu bi anyin öbun e sumâtâ monoâ, möbun e he ka oumo ta je ûnyi e hnyi ta je webun ae kong.

I. Peteru 4:10

helâ me hna ve kap bwihlany, e so he ka ûhuliwaköu, helâ me tavat tuö soâ ibetengiö baû anyin Khong ae se hia bongon;