Luka 15:32 - Iaai Bible 1901 (New Caledonia)

³² E ka ûcû kötin he ka senyin me hobâ: anyin a walang kem ûheny hnyi hna mok, ke a möt hmetu thö; ke hia, ke wale hmetu thö ang.

Luka 15:32 ပူးပေါင်းရင်းမြစ်များ

Salamo 51:8

Olöngi nya ju ge senyin me hobâ; Me me senyin dö je jeien waleji u je thuthu.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Hosea 14:9

Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

Luka 15:24

anyin a walang nokuk ûheny hnyi hna mok, ka möt hmetu thö; ke a hia, ke wale hmetu thö ang. Me ödrin e hwân he ka senyin.

Luka 15:31

Me e ame ha kâu, ka habe, Nokuk lö, u bala unyik, ke ânyâm bi anyik ta je ûnyi hia.

Luka 7:34

Kʼ ame o but Nokon at ame han me ic, ke haingöbun, ka habe, Wâ bi at ae hutö me hwen hmiâ waina, hanen ta je telona me tavat ae kong!

Roma 11:15

Ke a ne hu ge hmeledrany ûsoköu hnyi hna digic ödra, ame he ka hu ieû hnyi hna he ka kap hmetu? ca möt bi ûnyi hnyi hna mok?

Roma 3:19

Ke e khanʼ öta a haba ta je ûnyi adre ha hnyi hnanyibu, me adre me ha ka tavat adre me laba hmelen hnanyibu; me me he ka ohnyibö ta je hnyem hia, mʼ adre me he ka ohnaûhangoâ hmeledrany hia thi-thö ûnyi ge Khong:

Roma 3:4

Ohe; eja ke ne a ne thoi tavat hia, me so e me hnathu bala bi Khong; helâ me hna sihnalimen, ka habe, Mʼ u me he ka wisa hnyi hwâm ta je hofuc Me tom, at ka he ka hnei u.