Luka 15:29 - Iaai Bible 1901 (New Caledonia)

²⁹ Ke e ame thu me ha ka kamen, ka habe, Wâ bi, e se hia ta ge huna oge bi athnyabaem hnyin, ke ba ânyâm ke hnanyibu a khaca oge hanyâûâ: ke so bi u je ca ham balua nokon got könya, mʼ inye he ka tha senyin me lahanök:

Luka 15:29 ပူးပေါင်းရင်းမြစ်များ

Isaia 65:5

tavat adre me ha, ka habe, Tot ut hââng, ca hakekenyi nya anyin a iny kap hom: wale hai hnyi li hnyingöik, ke meic ame hiâ hnyi je bong hia.

Zakaria 7:3

me ha ka tavat bihut hnyi uma umo Iehova tuhan sabaoth, me ka je perofeta, ka habe, Hawa, e ûcû könya he ka tenge hnyi tehi a faiviny, me ûsâkâûö helâji me hnok hna ânyâ waleji hnyi je huna ae se hia?

Malaki 3:14

Öbun e hia but ha, ka habe, E ûnyi baû he ka bi athnyaba ka Khong: ke ieû troban hnöta hna tuö hnen je hna otilâ, me tenge tot hnyi hnyimakö Iehova tuhan sabaoth?

Mataio 20:12

me ha, ka habe, Haba tavat a bilidra adre hia but huliwa khaca thibi âwâ, ke u je mâdrâ ködrin e ûcû möhmun, waleji tavat ohmun e hok hmakiny bong me kahwainy ae gan hmâ.

Luka 15:28

Me e ame ka hmonyin me höcö he ka dit: ke ame didrut kamen me ûjengö e.

Luka 15:30

ke ame hap o ju nokom eang, at ame ohia ânyâm ta je ûnyi ka omomo hnyi gethen, me u je hia but hlingâ hobi kâu nokon kau ae pipikhenya.

Luka 15:7

Inya oge me ha köbun, Adre me he ka senyin helâe hnyi drany ge ietra hnen at a khaca ae kong, hon hnödra hna senyinâ tavat ae wisa a nainte nain, waleji a ca hu gadra hnân ietra.

Luka 17:10

Helâe minya öbun, öbun ka hia but mâdrâ ta je ûnyi adre hûna köbun, ha thʼ öbun, ka habe, Öhmun ang je athnyaba ae ba troban; öhmun e hia but mâdrâ thibi hanymöhmun he ka mâdrâ.

Luka 18:9

Ke e ame ha ûhöûcû eang ka keihen adre me ka labageju kodra bi, a ödra wisa, ke adre me oûnyibâûâ keihen:

Luka 19:21

anyin a oge outö u, anyin a u at ame û: u at ame hom ûnyi u je ca ip, me meno hnâm hna ca tā.

Roma 10:3

Anyin ae ca khanʼ ödra hwakecin ae wisa anyin Khong, ke adre me elâm he ka otethmâ hwakecidra bi ae wisa, me adre me ca long bi hoton hwakecin ae wisa anyin Khong.

Roma 3:20

anyin ae ca khana bi ke at he ka wisa hnyi hnyimakan ge ta je huliwainy hnanyibu: anyin ae manen dut hulo ge hnanyibu.

Roma 3:27

Anyin a wale, ewa hna ohobeluâ? E ba hnen bi e. Hnen ie hnanyibu? hawa, ge huliwa? Ohe; ke so bi ûnyi ge hnanyibuiny labageju.

Roma 7:9

Iny möt ehac ke tiga ba hnanyibu, ke ame o but hnanyibu, me ame möt dö hulo, ke oge mok ut;

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.

Hna Omanenâ 3:17

Haingâm, Iny tren ta ûnyi, ke hu omjehek ut, ke ba ke ûnyi ae hia gak; ke ca khanö u bi nakaem, me kong, me theduoc, me wadröu, me he thu: