Luka 15:24 - Iaai Bible 1901 (New Caledonia)

²⁴ anyin a walang nokuk ûheny hnyi hna mok, ka möt hmetu thö; ke a hia, ke wale hmetu thö ang. Me ödrin e hwân he ka senyin.

Luka 15:24 ပူးပေါင်းရင်းမြစ်များ

Genese 45:28

ke haingö Isaraela, ka habe, E ûcû, e tiga möt bi Josefa nökuk: oge me he ka he me iouny me kʼ iny tiga ca mok.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 66:11

mʼ öbun e he ka ijem me sekubun ge li basin hnân otubwelâ; mʼ öbun e he ka oâ debai me hobâ ûganiny anyin hmanenang.

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Ezekiela 34:4

Öbun e ca hia but sihwegiâ ta je meno ae sënyin, ke omelo at ae mok, kʼ öbun e ca ujâ meno ae hmetru jein, kʼ öbun e ca ohmeto je hna obâ, kʼ öbun e ca elâm at ae hia; ke öbun e hia but musi ödra hwege me oveci ödra.

Mataio 8:22

Ke haba Iesu ame ha kâu, ka habe, He hotuk, ke hamen ta je komok he ka konâm ta je kokidrin.

Mareko 8:22

Ke ödrin e o but hnyi Bethesaida. Ke adre me hom but kâu at ae wadröu, me sumâtâ he ka kâlâ e.

Luka 10:19

Wâ bi, oge hia but ham köbun man he ka uto ta je on me ta je sekopio, me maniny hia thithö iwahnaihmiony: ke ba ke ûnyi ame he ka okongu öbun.

Luka 15:23

ke hom but jem nokon kau ae pipikhenya, me hlingâ but mate me han me senyin:

Luka 15:25

Ke e hnyi hnyaba nokon a atö: ke e ame o me hakekeny ka hnyi uma, me ame long khumöng me biâ.

Luka 15:32

E ka ûcû kötin he ka senyin me hobâ: anyin a walang kem ûheny hnyi hna mok, ke a möt hmetu thö; ke hia, ke wale hmetu thö ang.

Luka 15:4

Ia gabun ae tren mamoe a wan haded, kʼ ame hia khaca gadra, hawa, ame ca he ka hna but nainte nain hnyi hnyebuba, me elâm at a hia ke ne o but e ame wâ ju e?

Luka 19:10

Anyin a o but Nokon at he ka elâm, me omelö wahia.

Luka 9:60

Ke e ame ha kâu, ka habe, Hna but ta je komok he ka konâm je kokidrin; ke he bi thö u ka khetâ dokhu dokhon Khong.

Ioane 11:25

Iesu ame ha kâu, ka habe, Inya ang möt hmetu, me möt minya: haba at ame he ka labageju könya, eja ke ne a ne mokcu, e ame he ka möt:

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Roma 11:15

Ke a ne hu ge hmeledrany ûsoköu hnyi hna digic ödra, ame he ka hu ieû hnyi hna he ka kap hmetu? ca möt bi ûnyi hnyi hna mok?

Roma 12:15

Tha senyin dö me tavat adre me senyin; tha tenge me tavat adre me tenge.

Roma 6:11

Helâe minya, ûnykûme ju öbun a öbun e mok ka hnyi hulo, kʼ öbun e möt bi ka Khong ga Iesu Keriso.

Roma 6:13

ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

I. Korinito 12:26

Ke a ne vec dö ke ong outhunyin, me ame he ka tha vec hia je ong outhunyin, ke adre ne otheibâ ke outhunyin, me ame he ka tha senyin hia je outhunyin.

Efeso 2:1

KE e ame omeli öbun, hnyi ûen öbun e mok can hnobun hna hanyâûâ me hulo,

Efeso 2:5

waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö),

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

I. Timoteo 5:6

Ke haba momo ame elâm senyin hnyi unyin, me a mokcu bi, ke tiga möt unyin.

Juda 1:12

Haba ödra ta je okongon hnyi anyibun bijeûiny ibetengiö, ödra ka tha hnyi bijeû mʼ öbun, ödra tavat tuö mamoe adre ha ödra bi, me ca ot; ödra je ûlâ ae ba köien, ame oû ang dö; ödra je ûö ae ba wan hnyi ûen he ka wa, a olo mok, adre oc dö me iwân;

Hna Omanenâ 3:1

KE sihnalimen ju ka angela anyin ekalesia hnyi Saradi, ka habe, Walang ta je ûnyi ame ba hnen at ae hu je Hanu a seven anyin Khong, me je okhû a seven: E khanö nya but ânyâm ta je huliwa, wale ae hu iâm a u möt, kʼ u mok bi.