Luka 15:18 - Iaai Bible 1901 (New Caledonia)

¹⁸ Oge ma tot me he kö cica, me ha kâu, ka habe, Cica lö, oge hia but monu ka hnyi drany me hnyimâkâm:

Luka 15:18 ပူးပေါင်းရင်းမြစ်များ

II. Man Ûlabainy Je Than. 33:19

Me hijin hic minya, me hwakecin hna betenge kâu hnen Khong ge anyin khöû me anyin hulo hia, me hnen hna he hwali, me je ke keihen e ame op je dok ae gorany hnyin, me otilâ je Aseira me je hnatheat hnyin, waleji ke tiga ca oûhnyûkongoâ e: wâ bi, adre hia but sihnalimen hnyi hofuc hwan tavat wâ.

Salamo 25:11

Iehova lö, ûnyi hnyi iâm bi, Hna but anyik hulo, anyin ae gan hmâ e.

Ta je Vejec 23:13

Ca behânâ bi ka wanakat hna nâ: Anyin u je ne kot ge osö, e ame ca he ka mok.

Isaia 63:16

Anyin a u kamöhmun, eja ke ne a ne ca ö ʼhmun Aberahama, ke ca khanö Isaraela öhmun: Iehova lö, u thibi kamöhmun; at a ûcû öhmun hwân nyiele, wale iâm.

Jeremia 3:19

Ke oge me ba, ka habe, Oge me he ka kâmâu ka ip u unyin je lakon, me ham köu hnyei ae so, a jekhom ae so unyin je döiny ta je hnyei? ke oge me ha, ka habe, Öbun e he ka hao nya, ka habe, Cica; me ca he ka hwio hmetu gak.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Je tenge anyi Jeremi 3:29

Hamen he ka ciron hnyimen eû hnyikânâ; ame ne hu gejon.

Je tenge anyi Jeremi 3:40

Ate me he ka elâm me cubec deta je gethen, me hmetu kö Iehova.

Daniela 4:26

Ke haba hna hûna he ka hnen biju hnyiban ûö ke wân, me wale ame he ka hmâ köu dokhom dokhu, e ka khanö u thö a gʼ ame musi drany.

Jona 2:4

Me haingök, ka habe, Adre me hota degeci nya ûnyi hnyi hnyimâkâm; Ke so bi, oge me he hmetu ka bwele ka hnyi umâm uma ae kap.

Jona 3:9

E khanö ia, ame ne he Khong ka hwio me ietra, me degec anyin hmonyin ae gan, mʼ ate me ca he ka mok?

Mataio 3:6

ke e ame bapataisoi ödra hnyi wagewe Joridano, adre me omanenâ anyidra ta je monu.

Mataio 6:14

Anyin a öbun e ne thang ut ge tavat hnödra je hna hanyâûâ me ame he Kamöbun ethö hnyi drany ka thang hnobun hna hanyâûâ.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Mataio 7:11

Anyin a wale, a ne mabun, öbun tavat ae monu, he ka wâhmakhmeto hna he ka ham ta je ûnyi ae so ka lakubun, awe, ame ca ti he bi Kamöbun ethö hnyi drany ka ham ta je ûnyi ae so ka tavat adre me sumâtâ e.

Luka 11:2

Me e ame ha ködrin, ka habe, Öbun ka he ka hic, me ha thö, ka habe, Cica lö, E so e ka kap iâm. E so e o but dokhom dokhu.

Luka 15:17

Ke ame metu hmetu thö hnyekon, me haingen, ka habe, Ve ta hlu anyi cica ae ti hu jeû me kolon bi gadrin, ke haba inya oge me he but ang ka mok ge mekihnânem!

Luka 15:19

ke ca ûcû hmetu he ka hawo nya me nokom: ha thö inye he ka helâ me ânyâm ke hlu.

Luka 15:21

Haba nokon ame ha kâu, ka habe, Cica lö, oge hia but monu ka hnyi drany me hnyimâkâm, ke ca ûcû hmetu ka hawo nya me nokom.

Luka 18:13

Ke haba telona ame tot sâkâû, e ame ca mē bwele bi hnyi drany ai, ke e ame khaû ûlainy me ha, ka habe, Khong lö, betenge ju gak at ae monu,