Luka 15:13 - Iaai Bible 1901 (New Caledonia)

¹³ Ke tiga ca se hia bong hwaban e, haba wakeiat ame ûkhacaköuâ anyin ta je ûnyi hia, me he ka hnyi ke hnyei ae sâkâû; me e ame dedegec eling tang omjehen ge hwakecin ae khâlâdren.

Luka 15:13 ပူးပေါင်းရင်းမြစ်များ

Salamo 73:27

Anyin a wâ bi, ame he ka hia but tavat adre me ûsâkâûö möu; U je hia but ohiʼ ödra hia adre me bi ûnyi monu digic u,

Ta je Vejec 18:9

Haba at ame bec hnyi anyin bi huliwa, E liamekeiny me at ame okongoâ.

Ta je Vejec 21:17

Haba at ame hnyok senyin baû me ame he ka ba ta ûnyi: Haba at ame hnyok ka waina me wakaco, me ame ca he ka hu omjeû.

Ta je Vejec 21:20

E hu omjeû ae ûnyi hnathu, me wakaco hnyi hnyaban at ae metâ; Ke haba at ae monu, me ame utâ hia.

Ta je Vejec 27:8

Helâ me meno ame gâ monu ûnyi hnyi hâûen, Helâe at ame he monu ûuyi hnyi hnen.

Ta je Vejec 28:7

Haba at ame vheno hnanyibu, me wale nokon ae metâ: Ke haba at ame hanen tavat hwen hmiâ, me ame ohmehma kamen.

Ta je Vejec 29:3

Haba at ame hnyok ka metâ me ame osenyinâ kamen: Ke haba at ame tha e me je momo hnyi gethen, me ame odilâ omjeû.

Ta je Vejec 6:26

Anyin a ong jeû thibi âu ka at, can momo hnyi gethen: Ke haba âiân ke baga wale at ame bi ûnyi monu, ame noc hanu ae ûnyi hnathu.

Isaia 1:4

Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Isaia 22:13

ke wâ bi, adre me senyin me hobâ, adre me khuc bolok, me hlingö mamoe, me han ûtiö, me ic waina: ate me he ka han me ic, anyin a nyi ate me he ka mok.

Isaia 30:11

kec dö ûnyi hnyi gethen, saû but ûnyi hnyi deny, ohia but ûnyi hnyi hnyimaköhmun Kabi Isaraela.

Isaia 56:12

Haingodra, ka habe, Ai öbun, oge mâ he ka hok waina, ke otin e he ka ijem gânâ grâg; he bong nyi ame he ka helâ me bong ang, bong ae gan me pason he ka ha.

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 2:5

Walang hna ha hnö Iehova, ka habe, Ieû ke ûnyi ae ca wisa a wa lakamöbun unyik, mʼ adre me oûsâkâû ödra mönya, me hnu hoton unyi ae ba onyen, me bibi hop?

Mika 6:3

Lakeik lö, ieû o ge ânyâ köu? ke ieû o ge osenyini u hnyin? khûö nya but.

Luka 15:12

ke haingen wakeiat ka kamen, ka habe, Cicö lö, ham dö könya jekhöûk. Me e ame khenâ ködru anyin ta je ûnyi.

Luka 15:14

Ke a hia but khâlâdrenâ anyin ta je ûnyi hia, me ame o but hmiâ ae gan hmâ ka hnyi hnyei eling, me ame hwân he ka theduoc.

Luka 15:30

ke ame hap o ju nokom eang, at ame ohia ânyâm ta je ûnyi ka omomo hnyi gethen, me u je hia but hlingâ hobi kâu nokon kau ae pipikhenya.

Luka 16:1

KE haingen minya ka laten, ka habe, Wale ke at ae tren omjeû, ae hu athnyabainy a at tue; ke adre me bi fuco e ka tuhan a gʼ ame khâlâdrenâ anyin ta je ûnyi.

Luka 16:19

E hu ke at ae tren omjeû, ke e ame khavâ ûkhaû ae dra me mano lino, kʼ ame manenang hnyi ta je bong hia:

Efeso 2:13

Ke walang ang, haba öbun hnyat ae sâkâu ehac, me unyi Keriso Iesu adre me oûhakekenyi öbun ûnyi ge dren Keriso.

Efeso 2:17

waleling me me o me khetâ ûsoköu köbun a öbun sâkâû, ke ûsoköu ka tavat minya a ödra hakekeny:

II. Peteru 2:13

kʼ adre me he ka vec hnân bi hwaban hnödra hna ovecâ; tavat adre me ûnykûme ae so he ka mede monu hnyi selany, ödra je thatûnyi, ke hnyat ae hu hnyikongon, adre me senyinâ anyidra je thoi kʼ adre me tiga tha han mʼ öbun hnyi bijeû;