Luka 14:24 - Iaai Bible 1901 (New Caledonia)

²⁴ Anyin a inya oge me ha köbun, ka habe, Ame ca he tavat adre bödra ka hawâ, ka hnyi drem anyik bijeû.

Luka 14:24 ပူးပေါင်းရင်းမြစ်များ

Mataio 21:43

Anyin a wale, inya oge me ha köbun, ka habe, Adre me he ka hom gabun dökhu dokhon Khong, me adre me he ka ham ka hnyei adre me wa waniny.

Mataio 22:8

Me e ame ha ka lathnyabainy, ka habe, Adre hia but penapena bijeûiny faipoipo ke ca ûcû ödra bi, a tavat adre me bödra ka hawâ.

Luka 14:23

Ke haingen than ka athnyaba, ka habe, He thö ka hnyi je hna cit gethen, me hmelen je hak, me ûjengi ödra thö jem, me me unöngöt dö umök uma.

Luka 14:25

Ke ame tha he me tavat ae se hia: ke e ame hwio thö me ha ködra, ka habe,

Ioane 3:19

Ke walang hnaûhango, a ga o but melam ka hnyi hmeledrany, ke weny bi tavat menekholom hon melam; anyin ae kong ut hwakecidra.

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Ioane 8:21

Iesu ame ha hmetu ködra, ka habe, Oge me he but ka he, ke öbun e he bi ja ka elöm nya, ke öbun e he ka mekiny anyibun ta je hulö: haba dok oge me he ka hnyin, me ca khanʼ öbun he ka he ka hnyin.

Ioane 8:24

Anyin a wale, oge me ha köbun, ka habe, Öbun e he ka mekiny anyibun ta je hulö: anyin a öbun e ne ca labageju, ka habe, Inya e, me öbun e be ka mekiny anyibun ta je hulö.

Ta je huliwa 13:46

Me ame hwege thö Paulo me Banaba he ka ha, ka habe, E ûcû he ka bân ka omanenâ köbun hofuc hwan Khong. Ke can bi anyin a öbun e hna degecâ me oûnyibâûâ hobi köbun bi möt ame ca ba balua; waleling me ohmu me hwio ka Aten ta je hnyei.